Joxua 9:9 - Tshwa Bible

⁹ Vona va te ngalo kakwe: Malanza ya wena mata hi le tikweni ga le kule nguvu hi kota ya vito ga Jehova, Nungungulu wa wena, hakuva hina hi zwile wudumo ga yena, ni zontlhe lezi a zi mahileko le Gipite,

Joxua 9:9 Mawu Ofanana

1 Tihosi 8:41

Ni loku a muluveli loyi a nga hiko wa vanhu va wena, a va ka Israeli, kanilezi na hi wa kuta hi le kule hi kota ya vito ga wena,

Nehemia 9:5

Zonake a vaLevi, na Jexua, na Kadmieli, na Bani, na Haxabneia, na Xerebia, na Hodia, na Xebania, na Petahia, vaku: Sukani mu yima, mu bonga Jehova Nungungulu wa nwina kala kupinzuka. A gi bongiwe a vito ga wena gi dzunzekileko, gi tlakukileko, gi hunzeleleko kudumiswa kontlhe.

Tisimu 148:13

A va dumise a vito ga Jehova, Hakuva hi vito gakwe goce gi tlakukileko; A wuhosi gakwe gi tlakukile ku hunza misava ni tilo. Isa. 12:4

Tisimu 72:19

A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

Tisimu 78:12

I lo maha zihlamaliso kuwoneni ka vararu vabye, Lomu tikweni ga Gipite, ni le Zoani.

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

Eksodusi 15:14

A vamatiko loku va zi zwile va lo rurumela; A vaFilistia va lo telwa hi hlenekera;

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 66:19

Nzi ta yimisa a xikombiso xikari kabye; lava va ta nga pona nzi ta va rumela matikweni, vaya le Tarxixi, le Pule, ni le Ludi, lava va fulako hi mawura, le Tubale, ni le Javane, ni le matikweni ya le kule le bimbini, lawa ma kalako ma nga se kuzwa a wudumo ga mina; vona va ta tlhatlhambutela a wukulu ga mina xikari ka matiko.

Mitsengo 14:15

Makunu loku wena u daya lava vanhu khwatsi hi munhu munwe, a vamatiko lava va zwileko wudumo ga wena, va taku ngalo:

Mitsengo 20:14

Laha va nga hi Kadexe, Mosi i lo ruma mitsumi ka hosi ya ka Edomi, aku: Makwenu Israeli i ngalo: Wena wa tiva a zikarato zontlhe lezi hi humelweko ha zona.

Mitiro 8:7

Hakuva a mimoya ya kubiha yi lo suka ka vanyingi lava va enghenilweko hi yona, yiba huwa hi gezu ga hombe; ni vanyingi lava va nga hi ni wubabyi gofa reve ga tlhelo, ni zilema, va lo hanyiswa. Mar. 16:17

Deuteronome 20:11

Loku wona wu ku hlamula hi kurula, va ku vulela tontlhe tinyangwa, vontlhe vanhu lavo va nga ka wona va tava mahlonga ya wena, va ku tirela xibalu.

Deuteronome 20:15

U ta mahisa zalezo ka yontlhe miti leyi yi nga kule na wena, leyi yi nga hiko miti ya lawa matiko.

Joxua 9:10

ni zontlhe lezi a mahileko ka tihosi timbiri ta maAmori le tlhatuko wa Jordani, ka Sihoni a hosi ya le Hexboni, na Ogi a hosi ya le Baxani, lava va nga wa hi kona le Axtarote. Mitse. 21:23; Deut. 1:4; 3:3

Joxua 9:16

Zonake hi nzhako ka masiku manharu anzhako kakuva va mahile xivumelwano zinwe na vona, va lozwa lezaku vona va akile kusuhani zinwe na vona, ni lezaku va akile xikari kabye.

Joxua 9:17

Ni vanana va ka Israeli va lo suka va famba, va lo chikela le mutini wabye hi siku ga wumbiri; ni miti yabye ku wa hi Gibeoni, na Kefira, na Beroti, na Kiriat-Jearime.

Joxua 9:24

Vona va lo hlamula Joxua, vaku ngalo: Malanza ya wena ma byelilwe ziku dlunya lezaku Jehova Nungungulu wa wena i leletele Mosi, a nanza gakwe, a ku mu nyika gontlhe legi tiko ni ku lovisa mahlweni ka nwina vontlhe vanhu va tiko legi; hikwalaho hina hi lo chava nguvu ha nwina hi kota ya wutomi ga hina, kala hi maha lezi.