Joxua 9:1 - Tshwa Bible

¹ Na ku mahisile lezo laha a tihosi tontlhe leti ti nga seno tlhatukweni wa Jordani lomu zitsungeni, ni lomu mikoveni, ni lomu fungwini wontihe wa bimbi ga hombe, gi cuwukeneko ni Lebanoni, vaHiti, ni vaAmori, ni vaKanani, ni vaPerezi, ni vaHivi, ni vajebusi, laha na va zwile timhaka leto,

Joxua 9:1 Mawu Ofanana

2 Samueli 24:7

Zonake va loya chikela le khokholeni ga le Tire, ni lomu mitini yontlhe ya maHivi ni ya maKanani, va hunza hi le Dzongeni ga ka Juda le Berexeba.

Eksodusi 23:23

Hakuva a ngelosi ya mina yi ta ku rangela mahlweni, yi ku yisa tikweni ga vaAmori, ni vaHiti, ni vaPerezi, ni vaKanani, ni vaHivi, ni vajebusi, na vona nzi ta va lovisa.

Eksodusi 23:31

Nzi ta panza a mbhingano wa wena kusukela Bimbini go Pswhuka kala bimbini ga maFilistia, ni kusukela xiwuleni kala ku chikela congweni; hakuva nzi ta mu hlulela a vaaki va tiko lego; mu ta va hlongola mahlweni ka nwina. Gen. 15:18; 1 Tih. 4:21

Eksodusi 3:17

Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Eksodusi 34:11

Hlayisa lezi nzi ku leletelako zona nyamutlha. Nzi ta hlongola mahlweni ka wena a vaAmori, ni vaKanani, ni vaHiti, ni vaPerezi, ni vaHivi, ni vajebusi.

Mitsengo 13:29

A vaAmaleki va akile hi le Dzongeni; a vaHiti ni vajebusi ni vaAmori va akile zitsungeni; a vaKanani va akile kusuhani ni bimbi ni lomu mbhirini ya Jordani.

Mitsengo 34:6

A mbhingano wa Mupela-gambo wu tava a Bimbi ga Hombe; lowo wu tava wona a mbhingano wa nwina wa le Mupela-gambo.

Deuteronome 1:7

Tlhelani mu famba, mu ya enghena le xitsungeni xa maAmori ni ka vontlhe lava va akileko lomo, mu famba le Araba, ni le xitsungeni ni le nkoveni, ni le Dzongeni, ni le mbhirini ka bimbi, le tikweni ga maKanani, ni le Lebanoni, kala congweni wa hombe, wona congo wa Eufrate.

Deuteronome 3:25

Nzi vumele nzi tlhatuka nzi ya wona a tiko lego go saseka gi nga le tlhatuko wa Jordani, a zitsunga lezo zo saseka ni Lebanoni.

Deuteronome 4:49

ni libala lontlhe li nga tlhatukweni wa Jordani hi le Mutsuwuka-gambo, kala ku chikela le Bimbini ga Xiwula hi le lahasi ka Pisga.

Deuteronome 7:1

Laha Jehova Nungungulu wa wena a ta nga ku chiketa ka tiko legi u yako ka gona ku ya gi fumela, ni laha a ta nga panzanya mahlweni ka wena wontihe matiko lawa yo tala, a vaHiti, ni vaGirgaxi, ni vaAmori, ni vaKanani, ni vaPerezi, ni vaHivi, ni vajebusi, a ntlhanu wa matiko ni mambiri lawa ma ku hunzako hi wukulu ni ntamu, Ekso. 23:23

Joxua 1:15

kala Jehova a nyika vanakuloni a kuhumula kota nwina; va enghenawu a tikweni legi Jehova Nungungulu wa nwina a va nyikileko gona; zonake mu ta wuya tikweni ga nwina mu ta gi fumela, gona tiko legi Mosi, a nanza ga Jehova, a mu nyikileko gona seno tlhatuko wa Jordani, hi le Mutsuwuka-gambo.

Joxua 1:4

Kusukela le xiwuleni ni legi Lebanoni, kala congweni wa hombe, a congo wa Eufrate, gontlhe tiko ga maHiti, kala le ka Bimbi ga Hombe, hi le Mupela-gambo, gi tava tiko ga nwina. Ekso. 23:31; Mitse. 34:2

Joxua 10:23

Na vona va lo maha lezo, va loya humesa tihosi leto ta ntlhanu va ti neha ka yena, a hosi ya le Jerusalema, ni hosi ya le Hebroni, ni hosi ya le Jarmute, ni hosi ya le Lakixe, ni hosi ya le Egloni.

Joxua 11:17

kusukela xitsungeni xa Halake, lexi xi yimileko hi tlhelo ga le Seire, kala le Baal-Gadi, hi nkoveni wa le Lebanoni, hi lahasi ka xitsunga xa Hermoni; i lo khoma tontlhe tihosi ta kona a ti daya.

Joxua 13:5

ni tiko gontlhe ga vaGebale, ni gontlhe ga Lebanoni hi le Mutsuwuka-gambo, kusukela le Baal-Gadi, hi le basi ka xitsunga xa Hermoni, ni ku kala le nyangweni ya Hamati;

Joxua 15:12

A mbhingano wa le Muhlwa-gambo hi Bimbi ga Hombe. Leyi hi yona mimbhingano ya vanana va ka Juda, ka wontihe matlhelo hi mingango yabye.

Joxua 22:4

Makunu Jehova Nungungulu wa nwina i nyikile kuhumula ka vamakabye va nwina, khwatsi hi lezi a va byelileko: hikwalaho tlhelani makunu mu famba matendeni ya nwina, ni le tikweni ga tshomba ya nwina, leyi Mosi a nanza ga Jehova a mu nyikileko yona le tlhatuko wa Jordani. Mitse. 32:20; Deut. 3:18

Joxua 22:7

Makunu Mosi i wa nyikile ka khihlanya ga lixaka la ka Manasa a tikwana le Baxani, na Joxua i lo nyika ka ginwani khihlanya ga lixaka la ka Manasa a tikwana leno tlhatuko wa Jordani, hi le Muhlwa-gambo; hikwalaho Joxua i lo engeta a va rumela matendeni yabye, yena i lo va katekisa.

Joxua 23:4

Langutani, nzi mu avele lawa matiko hi ku hlahluvela, wona matiko lawa ma seleko ni wontihe matiko lawa nzi ma lovisileko kusukela Jordani, kala le Bimbini ga Hombe, hi le Muhlwa-gambo, kasi gi maha tshomba ya nwina, ni zizukulwana za nwina.

Joxua 24:11

Nwina mu lo tlhatuka Jordani, mu chikela Jeriko. A va le Jeriko, ni maAmori, ni vaPerezi, ni vaKanani, ni vaHiti, ni vaGirgaxi, ni vaHivi, ni vajebusi va lolwa na nwina, kanilezi mina nzi lo va nyikela canjeni ga nwina.

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

Joxua 3:17

Ni vapristi lava va rwalako a nghaxa ya xivumelwano xa Jehova va lo yima vaku tseka hi mikonzo lomu ku omileko laha xikari ka Jordani, zonake vontlhe va ka Israeli va lo famba muhanzeni wu omileko, kala vontlhe vanhu va tlhatuka Jordani.

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

Joxua 6:27

Na Jehova i wa hi zinwe na Joxua, ni wudumo gakwe gi lo hangalaka tikweni gontlhe.

Joxua 9:7

Kanilezi a vanhu va ka Israeli va te ngalo ka maHivi lawo: Kutani mu akile xikari ka hina, xana hi ta mahisa kuyini xivumelwano zinwe na nwina ke? Ekso. 23:32; Deut. 7:2