Joxua 7:26 - Tshwa Bible

²⁶ Va lo tlhatekela hehla ka yena a nhulu ya hombe ya maribye, leyi yi nga kona kala legi siku. Zonake Jehova i lo bohla ka zanga yakwe yi chavekako; hilezo lego wutshamu gi lo vitanwa ku ngalo mbutshamu ga nzhelelo wa Akora kala legi siku.

Joxua 7:26 Mawu Ofanana

2 Samueli 18:17

Zonake va lo teka Absalome va mu hoxa lomu rinzini ga hombe, lomu khwatini, va vingeretela a nhulu ya hombe ya maribye hehla kakwe. Zonake vontlhe va ka Israeli va lo tsutsuma, loyi ni loyi a ti yela kaya kakwe. Jox. 7:26; 8:29

2 Samueli 21:14

Zonake va lo ketela marambu ya Saule ni ya nʼwana wakwe Jonatani le tikweni ga ka Benjamini, le Zala, a xilahleni xa dadani wakwe Kixi. Va lo maha zontlhe lezi zi nga wa leletelwe hi hosi; zonake Nungungulu i lozwa kurila ka vanhu. A kudawa ka zihotlovila.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

Ezra 10:14

A tihosana ta hina a ti yimele a ntlhangano wontihe, kasi vontlhe lava va tekileko vavasati va vamatiko, va nga lomu mitini yabye, va tata hi xikhati xi ta nga yimiswa, vata ni masingalakati ya muti ni muti, ni Valamuli vabye, kala a khulo ga Nungungulu wa hina gi bohla xungetano ni mahungu lawa.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Eksodusi 32:12

Hikuyini a vaGipite va ta ngaku ngalo: Ehe, i va humesile kasi a fela ku ya maha kubiha ha vona, hakuva i va dele le xitsungeni, niku i va lovisile laha misaveni. Tlhelisa a zanga ya wena, u tsika a kubiha loko u lavako ku maha ka vanhu va wena.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 65:10

Xaroni i tava wuriselo ga tiyivu, Ni nkova wa Akora wu tava zumbo ga tihomu, A ka tiko ga mina gi nzi hlotileko. Jox. 7:26; 1 Kro. 27:29; Hos. 2:15

Mikosi 3:53

Va lava ku tsema wutomi ga mi na lomu nkeleni, Va hoxa maribye hehla ka mina.

Hosea 2:15

Nzi ta mu tlhelisela a zivina zakwe, nzi maha a nkova wa Akora wuva a nyangwa ya kutsumba. Kwalaho i ta yimbelela khwatsi hi masikwini ya wuswa gakwe, ni kukotisa a sikwini legi a nga huma tikweni ga Gipite. Ekso. 15:1; Isa. 65:10

Hosea 2:17

Hakuva nzi ta susa a mavito ya maBaali nonwini wakwe, cima va nga ha ta vitanwa hi mavito kambe. Ekso. 23:13; Zak. 13:2

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Joeli 2:18

Zonake Jehova i lo pangamela a tiko gakwe, a hawukela a vanhu vakwe.

Jona 1:15

Zonake va lo tlakula Jona, va mu hoxa bimbini, ni bimbi gi lo rula,

Zakaria 6:8

Zonake yi lo nzi vitana, yiku: Wona lawa ma yako tikweni ga Nwalungu ma ta ya rutisa a zanga ya mina tikweni ga Nwalungu.

Mitsengo 25:8

I lo lanza inaloye le tendeni gakwe, a ya va tlhava vontlhe hi wumbiri gabye a va patsa khatiginwe, muIsraeli ni wasati loye rumbyini gakwe. Zonake a ntungu wu lo khawula xikari ka vanana va ka Israeli.

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Deuteronome 13:18

laha u ta nga ingisa a gezu ga Jehova Nungungulu wa wena, u hlayisa yontlhe milayo yakwe leyi nzi ku leletelako inyamutlha, u maha kululama mahlweni ka Jehova Nungungulu wa wena.

Joxua 10:27

Makunu loku gambo gi pelile, Joxua i lo leletela lezaku a va susiwe lomu tisinyeni, va hoxiwa ka mhako leyo va nga wa fihlele ka yona, zonake va lo viringetela maribye ya hombe laha nyangweni ya mhako, laya ma nga kona kala inyamutlha.

Joxua 7:24

Zonake Joxua ni vontlhe va ka Israeli va lo teka Akana nʼwana Zera, ni mali, ni nguwo, ni nzalama, ni vafana vakwe ni vanhanyana vakwe, ni tihomu takwe, ni timbongola takwe, ni tiyivu takwe, ni tenda gakwe, ni zontlhe zilo zakwe, va lo zi yisa le nzhelelweni wa Akora.

Joxua 8:29

Kanilezi a hosi ya le Ai, va lo yi hayeka laha sinyeni kala laha gambyeni; zonake laha na gi pelile, Joxua i lo leletela lezaku va susa xirumbi xakwe va ya xi hoxa laha nyangweni ya muti, va lo biringetela a nhulu ya hombe ya maribye leyi yi nga kona kala inyamutlha. Deut. 21:22