Joxua 7:21 - Tshwa Bible

²¹ nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.

Joxua 7:21 Mawu Ofanana

Genesisi 10:10

A kusangula ka mufumo wakwe hi le Babeli, ni le Ereke, ni le Akade, na Kalne, le tikweni ga Xinari.

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Genesisi 34:27

A vafana va Jakobe va lo wuya ka lava va va deleko va ta phanga muti, hi kota ya lezi va xakeleko a makabye wabye.

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

2 Samueli 11:2

Kute hi ginwani siku, laha gambyeni, Davida a vuka hi laha mubhedini wakwe, a fambafamba le hehla ka langwa la yindlu ya hosi, zonake na hi le langweni i lo wona a wasati na kari a hlamba; a wasati loye i wa sasekile nguvu.

2 Tihosi 7:8

Loku a vahlokonho va chikele magumo ka wugovelo, va lo enghena lomu xaxeni munwe vaga, vanwa, va rwala a siliva ni nzalama, ni tinguwo va ya zi fihla. Va lo wuya va ta enghena ka munwani xaxa, va phanga kambe a mali va ya yi fihla.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

Tisimu 119:37

Hambukisa a mahlo ya mina lezaku ma nga cuwuki lezi zi nga nyawuliko, U nzi hanyisa tindleleni ta wena.

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Mavingu 1:19

Ti nghaho tindlela ta vontlhelele lava va na nga ni mahlomi kuphangeni, akuva ku khoma wutomi ga vona venyi. 1 Tim. 6:10

Mavingu 23:31

U nga cuwuki a vinya loku gi pswhukile; oku gi pupuma lomu ka gombe: i loku u ginwa gi relela ha goce. Efe. 5:18

Mavingu 28:22

A munhu wa wutsona wa hatlisa ku fuma; ima a nga alakanyi lezaku a wusiwana gi ta wela hehla kakwe.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 29:15

Khombo ka vona lavo va fihleleko Jehova a xikungo xabye, Va maha mitiro yabye munyameni; Vaku: Hi ta woniwa hi mani, himani a hi tivako?

Habakuka 2:9

Khombo a give ka loyi a fumisako a yindlu yakwe hi bhinzu go biha, kasi a aka a xisaka xakwe le hehla, a ti ponisa khombyeni.

Luka 12:15

Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7

Luka 12:2

A ku na xilo xi fenengetilweko, xi ta nga kala ku funungulwa, ni lexi xi fihlilweko xi ta nga kala ku tibyiwa. Xip. 8:17; Mat. 10:26; Mar. 4:22

Va le Efesusi 5:3

Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Deuteronome 7:25

Zifananiso lezi zi vatlilweko za vanungungulu vabye mu ta hisa nzilweni; mu nga mbilukeli a siliva ni nzalama lezi zi nga ka zona, ni kambe u nga zi teki, zi nga maha ziyo ka wena, hakuva zona zinyenyeko mahlweni ka Jehova Nungungulu wa wena.

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21

Joxua 7:20

Zonake Akana i lo hlamula, aku ka Joxua: Hi zona, mina nzi onhile ka Jehova Nungungulu wa ka Israeli, nzi mahile lezi:

Joxua 7:22

Joxua i lo ruma mitsumi yiya le tendeni gakwe, languta a zilo lezo zi wa fihlilwe lomu ka tenda gakwe, ni mali yi wa hi lahasi ka zona.

2 Pedro 2:15

Na va tsikile a ndlela yo lulama, va lo penga va lanzela a ndlela ya Balami nʼwana Beori, loyi a nga ranza a nzhiho wa ku maha kubiha; Mitse. 22:5, 21, 23