Joxua 7:1 - Tshwa Bible

¹ Kanilezi a vanana va ka Israeli va lo ti vangela a nanzu hi zilo zi phangilweko; hakuva Akana nʼwana Karmi, wa Zabdi, wa Zera, wa nyangwa ya ka Juda, i lo teka a zilo zo yila, ni zanga ya Jehova yi lo vindlukiswa yi vukela a vanana va ka Israeli. Jox. 23:20; 1 Kro. 2:7

Joxua 7:1 Mawu Ofanana

Genesisi 34:27

A vafana va Jakobe va lo wuya ka lava va va deleko va ta phanga muti, hi kota ya lezi va xakeleko a makabye wabye.

2 Samueli 24:1

A zanga ya Jehova yi lo engeta yi vukela va ka Israeli; i lo kucetela Davida a ku va vukela, aku: Famba u ya hlaya va ka Israeli ni va ka Juda.

2 Tihosi 5:24

Laha a nga wa chikele le xitsungeni, Gehazi i lo zi teka mandleni yabye a zi veka lomu ndlwini, a tlhelisa a vanhu lavo va famba.

1 Kronekele 21:7

Nungungulu i lo tsanwiswa hi mhaka leyo, a hlasela va ka Israeli.

2 Kronekele 24:18

Va lo tsika yindlu ya Jehova Nungungulu wa vadadani vabye, va khozela zifananiso za Axtarte ni zinwani zifananiso; zonake Jehova i lo zangarela va ka Juda ni va le Jerusalema hi kota ya kugoha loko.

Ezra 9:6

nziku: Nungungulu wa mina, nzi na ni tingana ni gome a ku tlakusa a nghohe ya mina ka wena Nungungulu wa mina, hakuva a zigoho za hina zi kulile zi tlakuka hehla ka tihloko ta hina, ni nanzu wa hina wu kulile wu chikela tilweni. Gen. 18:20; Kuv. 18:5

Joba 35:8

A kubiha ka wena ku nga onha a munhu wa ku fana na wena, Ni kululama ka wena ku nga vuna a nʼwana wa munhu ntsena.

Mutshawuteli 9:18

A wutlhari ga vuna ku hunza matlhari, kanilezi a muonhi munwe wa onha wunene ginyingi.

Danieli 9:7

Hosi, a kululama ku le ka wena, kanilezi hina hi na ni tingana a nyamutlha lezi; hina vavanuna va ka Juda, ni vaaki va Jerusalema, ni vaIsraeli vontlhe, lava va nga kusuhi ni va nga le kule, xikari ka wontihe matiko lawa u va hangalasileko ka wona, hi kota ya zihambunyeto lezi va ku maheleko.

Levi 10:6

Mosi aku ka Aroni, na Eliazare, na Itamare, vana va Aroni: Mu nga fununguli tihloko ta nwina, hambu ni ku hanzula tinguwo ta nwina, mu ngafa, mu neha a zanga hehla ka ntlhangano wontihe. Kanilezi a vamakabye va nwina, a yindlu ya ka Israeli, hi vona va ta nga rila hi kota ya nhova leyi yi hisilweko hi Jehova.

Jona 1:7

Va lo rambana xikari kabye, vaku: A hi hlahluveni, kasi ha tiva loyi a hi vangelako a khombo legi! Va lo hlahluva, a tihlolo ti si khoma Jona.

Joxua 22:16

A tlhangano wontihe wa Jehova, wu ngalo: Xana kuhambuka ka kuyini loku mu ku mahileko mu vukela Nungungulu wa ka Israeli, lezi mu fularelako Jehova legi siku, mu ti akela a alati mu hluwuka Jehova legi siku ke?

Joxua 22:18

Laha kaku nwina mu fularela Jehova inyamutlha! Ku taku loku mu hluwuka Jehova inyamutlha, manziko Jehova i ta zangarela a tlhangano wontihe wa ka Israeli.

Joxua 22:20

Kaxana Akana a nʼwana Zera, lezi a mahileko xikhunguvanyiso hi zilo zi phangilweko, a zanga a yi welangi hehla ka wontihe tlhangano wa ka Israeli ke? ni loye munhu cima a nga fangi yece hi xionho xakwe. 1 Kro. 2:7