Joxua 6:17 - Tshwa Bible

¹⁷ A muti ni zontlhe zi nga ka wona a zi love, manyala ka Jehova; ku ta hanya Rahabi xibhayi basi, ni vontlhe lava va nga zinwe na yena lomu ndlwini yakwe, hakuva yena i fihlile tihloli leti hi ti rumileko. Jox. 2:3; Maheb. 11:31

Joxua 6:17 Mawu Ofanana

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Ezra 10:8

Tsombanani le Jerusalema, hakuva ni wihi loyi a to kala a ngati lomu ka masiku manharu, khwatsi ni kuwula ka tihosana ni masingalakati, zontlhe zilo zakwe zi ta giwa, yena wutsumbu i ta humeswa tlhanganweni wa lava va wuyileko hi le wukhumbini.

Isaya 34:6

A supado ya Jehova yi tele hi nkhata; yi womelele mafura; Hi nkhata wa tiyivana ni timhongo, Ni mafura ya tiswa ta tihamba; Hakuva Jehova i na ni kutlhabyiwa le Bozra, Ni kuhihirita ka hombe tikweni ga Edome.

Jeremia 46:10

Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.

Ezekieli 39:17

Wena nʼwana wa munhu, Hosi Jehova i ngalo: Wulawula ka tinyanyani ta tixaka tontlhe, ni ka zontlhe zihari za khwati, uku: Tsombanani, muta! tsombanani mu ranzela a muphahlo wa mina lowu nzi mu maheleko, wu nga muphahlo wa hombe lomu zitsungeni za ka Israeli, kasi maga a nyama, munwa a nkhata. Isa. 34:6; Kuv. 19:17

Levi 27:21

A muxavi wa simu i ta ta huma ka gona hi lembe ga jubileu, zonake gi tava ga kubasa ka Jehova, kota a simu legi gi nyikelweko hi ku hlambanya; gi ta lumba mupristi.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

1 Va le Korinte 16:22

Loku a hi kona munhu loyi a nga ranziko Hosi, ave a rukatelweko. Maranatha! Gal. 1:8, 9; Juda 14-15

1 Va le Korinte 2:7

Hina hi wulawula a wutlhari ga Nungungulu gi nga fihlakalo, a wutlhari legi gi fihlilweko, legi Nungungulu a nga gi yimisela a wudzunzo ga hina, a tinguva na ti nga seva kona. Rom. 16:25; 2 Tim. 1:9

Va le Galatia 3:10

Hakuva vontlhe lava va tsumbako a mitiro ya nayo va lahasi ka nzhukano; hakuva ku tsalilwe ku ngalo: I rukatelwe mani na mani loyi a nga longoloxiko zilo zontlhe zi tsalilweko bhukwini ga nayo, a zi maha. Deut. 27:26; Jer. 11:3

Va le Galatia 3:12

Kanilezi a nayo a wu humi kukholweni; ku tsalilwe ku ngalo: Loyi a mahako a zileletelo za mina i ta hanya ha zona. Levi 18:5; Rom. 4:4; 11:6

Deuteronome 20:17

U ta lovisa bhi a vaHiti, ni vaAmori, ni vaKanani, ni vaPerezi, ni vaHivi, ni vajebusi, khwatsi hi lezi Jehova Nungungulu wa wena a ku leleteleko.

Maheberu 11:31

Hi kukholwa Rahabi a xibhayi a nga fangi zinwe ni lava va nga ingisangiko, hilezi a nga amukela a tihloli hi kurula. Jox. 6:23

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

Jakobe 2:25

Hizalezo na Rahabi, a xibhayi, a nga hlayelwangi kululama hi mitiro ke, lezi a nga amukela a tihloli, a ti fambisa hi yinwani ndlela? Jox. 2:1

Joxua 2:1

Joxua nʼwana Nuni i lo ruma tihloli timbiri hi le xihundleni, na a hi le Xitime, aku kabye: Fambani muya hlola a tiko ni Jeriko. Vona va lo suka va famba, zonake va lo enghena lomu ndlwini ya xibhayi, a vito gakwe hi Rahabi, va etlela lomo. Mitse. 25:1; Maheb. 11:31; Jak. 2:25

Joxua 2:22

Zonake va lo famba vaya xitsungeni: va loya tshama leyo masiku manharu, kala lava va va lanzileko va tlhela va wuya; a valanzeli va lo va hlota lomu ka tindlela tontlhe, kanilezi a va va kumangi.

Joxua 7:1

Kanilezi a vanana va ka Israeli va lo ti vangela a nanzu hi zilo zi phangilweko; hakuva Akana nʼwana Karmi, wa Zabdi, wa Zera, wa nyangwa ya ka Juda, i lo teka a zilo zo yila, ni zanga ya Jehova yi lo vindlukiswa yi vukela a vanana va ka Israeli. Jox. 23:20; 1 Kro. 2:7

1 Samueli 15:3

Makunu lezi famba u ya hlasela vaAmaleki, u lovisa zontlhe lezo va nga nazo; u nga va nyenyeleteli, kanilezi daya vontlhe vavanuna ni vavasati, ni vananani tisana ta ha anwako, ni tihomu, ni tiyivu, ni makameli, ni timbongola.

1 Samueli 15:6

Saule i te ngalo ka vaKeni: Sukani, mu huma xikari ka vaAmaleki, nzi nga mu patsa navo nzi mu hlasela; hakuva nwina mu kombisile wunene ka vontlhe va ka Israeli xikhatini lexo va nga wata hi le Gipite. Zinghaho a vaKeni va lo huma xikari ka vaAmaleki.