Joxua 6:1 - Tshwa Bible

¹ Makunu Jeriko ku wa valilwe tinyangwa, ni kuva ku khotsilwe hi kota ya ku chava a vanana va ka Israeli; ku wa nga hi kona munhu a nga wa huma lahandle hambu ku enghena mutini.

Joxua 6:1 Mawu Ofanana

2 Samueli 10:5

Makunu vona va lo yisa mahungu ka Davida. Yena i lo rumela a vanhu a ku va khinga, hakuva a vavanuna lavo va wa hi ni tingana ta hombe nguvu; zonake a hosi yi te ngalo kabye: Tshamani leyo Jeriko kala zi kula zilevu za nwina, zonake mu ta wuya.

2 Tihosi 17:4

A hosi ya le Asiria yi lo wona lezaku i na ni makungo ya ku mu vukela, hakuva i wa rumile a mitsumi yiya ka So, a hosi ya le Gipite, ni lezaku i wa nga ha rumeli a nzhuvo ka hosi ya le Asiria khwatsi hi manwani malembe. Zonake a hosi ya le Asiria yi lo mu khoma yi mu valela paxweni.

2 Tihosi 2:4

Elija i te ngalo kakwe: Elixa, tshama laha, hakuva Jehova i nzi rumile a kuya le Jeriko. Yena i lo hlamula, aku: Nzi hlambanya ha Jehova a hanyako ni muhefemulo wa wena wu hanyako, cima nzi nga ta ku tsika. Va lo ya chikela le Jeriko.

Tisimu 127:1

Loku Jehova a nga aki yindlu, Va tirela mahala lava va yi akako; Loku Jehova a nga hlayisi muti, A varinzeli va lavelela mahala. 1 Kor. 3:7

Joxua 16:7

zonake wu suka hi le Janoa, wu relela le Ataroti ni le Naara wu famba kala le Jeriko, zonake wu ya gumesa le Jordani.

Joxua 18:21

Makunu a miti ya lixaka la vanana va ka Benjamini hi mingango yabye, hi leyi: Jeriko, ni Bet-Hogla, ni Emeki-Ziza;

Joxua 2:1

Joxua nʼwana Nuni i lo ruma tihloli timbiri hi le xihundleni, na a hi le Xitime, aku kabye: Fambani muya hlola a tiko ni Jeriko. Vona va lo suka va famba, zonake va lo enghena lomu ndlwini ya xibhayi, a vito gakwe hi Rahabi, va etlela lomo. Mitse. 25:1; Maheb. 11:31; Jak. 2:25

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 2:7

Zonake a vavanuna va lo va lanza hi ndlela yi yako mapelweni ya Jordani zalezo na va humile a valanzi, a nyangwa yi lo valiwa.

Joxua 5:15

Ni nduna ya yimpi ya Jehova yi te ngalo ka Joxua: Susa a zilato Za wena mikonzweni ya wena, hakuva a wutshamu legi u yimileko ka gona mbutshamu go basa. Na Joxua i lo maha lezo.

Joxua 6:2

Na Jehova i te ngalo ka Joxua: Languta, nzi nyikele canjeni ga wena a Jeriko ni hosi ya kona, ni tinhenha ta kona.