Joxua 5:4 - Tshwa Bible

⁴ Joxua i lo va enghenisa wukwera hi xigelo lexi. Vontlhe a vavanuna lava va nga huma hi le Gipite, a vavanuna lava va hlomako yimpi, vontlhe va wa file laha ndleleni lomu xiwuleni na vata hi le Gipite;

Joxua 5:4 Mawu Ofanana

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

1 Va le Korinte 10:5

Kanilezi a linyingi labye Nungungulu i wa nga tsaki ha vona, hi kota ya lezo va lo lobyiswa xiwuleni.

Deuteronome 2:14

A masiku lawa hi nga famba kusukela Kadexe-Barnea kala a siku legi hi nga tlhatuka xicongwana xa Zerede ma wa hi 38 wa malembe, kala ku mbhela vontlhe vavanuna lomu wugovelweni va hlomako yimpi, kota lezi Jehova a hlambanyileko.

Deuteronome 2:16

Laha na ku mbhelile tinhenha tontlhe xikari ka vanhu,

Joxua 5:3

Zonake Joxua i lo maha mikwana ya maribye, a enghenisa wukwera a vanana va ka Israeli le xitsungeni xa Dewu ga magumo.

Joxua 5:5

hakuva vontlhe vavanuna lava va nga huma hi le Gipite va wa enghenile wukwera; kanilezi vontlhe lava va belekilweko laha ndleleni lomu xiwuleni na vata hi le Gipite, a va engheniswangi wukwera.