Joxua 5:1 - Tshwa Bible

¹ Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

Joxua 5:1 Mawu Ofanana

Genesisi 12:6

Na Abrama i lo tsemakanya tiko aya chikela tikweni ga le Xekemi, sinyeni ya More. A maKanani ma wa akile lomo tikweni xikhatini lexo.

Genesisi 48:22

Makunu mina nza ku nyika a xiavelo xinwani a handle ka vanakuloni, lexi nzi wutlileko canjeni ga maAmori hi supado ya mina zinwe ni wura ga mina. Gen. 34:27; Joh. 4:5

2 Samueli 21:2

Zonake a hosi yi lo vitana a maGibeoni yi ta wulawula nawo. A maGibeoni ma wa nga hi vanana va ka Israeli, kanilezi va wa hi misalela ya vaAmori, lava va vanana va ka Israeli va nga va hlambanyele, ku nga vona Saule a nga xuvile ku va daya hi ku bayisekela a vanana va ka Israeli ni va ka Juda.

1 Tihosi 10:5

ni zakuga za laha mezeni yakwe, ni matshamela ya malanza yakwe, ni matirela ya tinduna takwe, ni tinguwo tabye, ni vakhomi va magombe yakwe, ni minyikelo leyi a yi nyikelako lomu ndlwini ya Jehova, zonake i lo mbhela ntamu hi kuhlamala,

Ezra 9:1

Makunu laha zontlhe lezo zi nga wa mahilwe, ku lota ka mina a tihosana ti taku: A vanhu va ka Israeli, ni vapristi, ni vaLevi a va ti hambanyisangi ni vanhu va matiko; kanilezi va maha a manyala ya vona, vaKanani, ni vaHiti, ni vaPerezi, ni vajebusi, ni vaAmoni, ni vaMoabi, ni vaGipite, ni vaAmori.

Tisimu 135:11

Sihoni a hosi ya maAmori, na Ogi a hosi ya Baxani, Ni tihosi tontlhe ta le Kanani; Mitse. 21:21

Eksodusi 23:28

Nzi ta rumela a mivi yi ku rangela mahlweni, yi hlongola vaHivi, ni vaKanani, ni vaHiti mahlweni ka wena.

Isaya 41:5

A matiko ya le bimbini ma lo zi wona, ma chava; Ni magemeta-musi ya misava ma lo rurumela. Va lo tshinela, vata;

Ezekieli 16:3

Hosi Jehova i ngalo ka Jerusalema: Hi lixaka la wena ni kupswalwa ka wena, u wa tiko ga Kanani. A raru wa wena i wa hi muAmori ni nyine wa wena i wa lii muHiti.

Ezekieli 21:7

Ku taku loku vaku ka wena: U hefemutekela yini? wena u taku: Nzi hefemutekela a mahungu lawa ma tako; a timbilu tontlhe ti ta nyekiswa, a mandla wontihe ma mbhela ntamu, a madzolo wontihe ma ta khuvatana. Langutani, ma hata zi ta maheka, ku wula Hosi Jehova.

Danieli 5:6

Zonake a nghohe ya hosi yi lo hunzuka, yi xeveka maalakanyweni ya yona; a matlhangano ya tinyonga ta yona ma tlekatleka ni madzolo ya yona ma gumulana.

Amosi 2:9

Kasike hi mina nzi lovisileko a maAmori mahlweni kabye, lava kuleha ka vona ku nga ringana ni kuleha ka tisedare, na va hi ni ntamu wo fanana ni wa mitule; kasike nzi lovisile a mihanzu yabye le hehla ni mitsu yabye lahasi. Deut. 2:33; Jox. 24:8; Vala. 11:23

Mitsengo 13:29

A vaAmaleki va akile hi le Dzongeni; a vaHiti ni vajebusi ni vaAmori va akile zitsungeni; a vaKanani va akile kusuhani ni bimbi ni lomu mbhirini ya Jordani.

Joxua 17:12

Kanilezi a vanana va ka Manasa va lo tsanzeka ku khozisa a miti leyo; zonake; a vaKanani va lo tiya ku aka ka tiko lego. Vala. 1:27

Joxua 17:18

Kanilezi a tiko ga xitsunga gi tava ga nwina; hambu lezo gi nga khwati mu ta gi xakatsa, zonake a tindlela ta kona ti tava ta nwina; hakuva nwina mu ta hlongola vaKanani, hambu loku va hi ni tikareta ta tisimbi, ni hambu loku va hi ni ntamu.

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3

Joxua 3:17

Ni vapristi lava va rwalako a nghaxa ya xivumelwano xa Jehova va lo yima vaku tseka hi mikonzo lomu ku omileko laha xikari ka Jordani, zonake vontlhe va ka Israeli va lo famba muhanzeni wu omileko, kala vontlhe vanhu va tlhatuka Jordani.

Kuvululelwa 18:10

Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. Isa. 21:9

Valamuli 1:1

Makunu laha Joxua a nga wa file, a vanana va ka Israeli va lo wutisa ka Jehova, vaku: Himani xikari ka hina a ta nga ranga a kanziha aya ka vaKanani a yalwa navo ke?

Valamuli 11:23

Makunu loku Jehova Nungungulu wa ka Israeli a hlongole vaAmori mahlweni ka vanhu vakwe va ka Israeli, xana a tiko lego gi ngava ga wena hi xigelo muni?

Valamuli 3:3

Ku lo sala ntlhanu wa tihosi ta maFilistia, ni vaKanani vontlhe, ni vaSidoni, ni vaHivi lava va akileko xitsungeni xa Lebanoni, kusukela xitsungeni xa Baal-hermoni kala kuya le Hamate.

Valamuli 4:2

Jehova i lo va nyikela mandleni ya Jabina a hosi ya le Kanani, loyi a nga wa fumile le Hazora, a nduna ya yimpi yakwe a nga wa hi Sisera, loyi a nga wa akile le Haroxete wa vamatiko. Jox. 11:10; 1 Sam. 12:9

1 Samueli 25:37

Zonake ni mixo, laha Nabali a nga wa kalamukile, a sati wakwe i lo mu hlawutela timhaka leti, zonake a mbilu yakwe yi lo mbhela ntamu, yi fanana ni ribye.