Joxua 4:7 - Tshwa Bible

⁷ Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Joxua 4:7 Mawu Ofanana

Tisimu 111:4

I mahile lezaku a mitiro yakwe yi fela ku alakanyiwa; Jehova ngwa tipswalo, i tele hi wuxinji.

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 28:12

A maribye laya mambiri u ta ma veka lomu makatleni ya efode, kasi ma tava xialakanyiso xa vana va ka Israeli. Aroni i ta rwala mavito ya vana va ka Israeli mahlweni ka Jehova laha makatleni yakwe, xiva xialakanyiso.

Eksodusi 30:16

U ta teka a mali ya nzhiho leyi yi humesilweko hi vanana va ka Israeli, u tira ha yona a ntiro wa tenda ga mutlhangano; xi tava xialakanyiso ka vanana va ka Israeli mahlweni ka Jehova, a ku maha a nzhiho wa wutomi ga nwina.

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,

Mitsengo 16:40

ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Mitsengo 17:5

A munhu loye nzi ta nga mu hlawula, a nhonga yakwe yi ta hluka, zonake nzi ta mbhetisa a zisolo za va ka Israeli lezi va nga nazo ha nwina.

1 Va le Korinte 11:24

laha a nga bongile i lo xi khema, aku ngalo: Lexi hi miri wa mina, lowu wu khemelelweko nwina; mahani lezo kasi ku nzi alakanya.

Deuteronome 16:3

U ngagi a xibaba xi comelweko zinwe nago, u taga xibaba xi nga comelwangiko ntlhanu wa masiku ni mambiri, na xi hi xibaba xa kuxaniseka, hakuva wena u lo huma hi kuhatlisa le tikweni ga Gipite, u ta alakanya wontihe masiku ya wutomi ga wena a siku legi u humileko ha gona le tikweni ga le Gipite.

Joxua 4:6

kasi xi maha xiwoniso xikari ka nwina. Laha a vanana va nwina va ta nga ta mu wutisa hi zikhati za ha tako vaku: Ma kombisa yini lawa maribye ke? Ekso. 12:26; Deut. 6:20