Joxua 3:4 - Tshwa Bible

⁴ Kanilezi a kuve kona a pfhukana xikari ka gona na nwina wa xipimo xa 2,000 wa mikono, mu nga tshineli laha kusuhani kasi mu wona a ndlela leyo mu ta nga famba ha yona, hakuva nwina a mu se nga famba hi leyo ndlela ka masiku ma hunzileko.

Joxua 3:4 Mawu Ofanana

Genesisi 31:2

Jakobe i lo wona a macuwukela ya Labani na ma hambene ni ya masiku.

1 Kronekele 11:2

A zikhatini zi hunzileko, na ka ha fuma Saule, ku wa hi wena u nga rangela Israeli. Na Jehova Nungungulu wa wena i ku byelile, aku: Hi wena u ta nga risa a vanhu va mina uva murangeli vabye, va ka Israeli. 1 Sam. 13:14; 18:5

Tisimu 25:12

Ni wihi munhu loyi a chavako Jehova, I ta mu kangeta a ndlela leyi a faneleko ku hlawula yona.

Tisimu 89:7

Nungungulu wa chaveka hlengeletanweni wa vakubasa, A chabyiwa ku hunza vontlhe lava va mu ranzeleko.

Eksodusi 19:12

Kambe u ta kombisa vanhu a mbhingano lowu wu renzetekelako xitsunga, uku: Ti woneleni, mu nga kanzihi le xitsungeni, hambu ni ku henya matlhelo ya xona, a munhu loye a ta nga khumba xitsunga i ta dawa.

Eksodusi 3:5

Nungungulu aku: U nga tshineli laha! Susa zilato mikonzweni ya wena, hakuva a wutshamu legi u yimileko ka gona mbutshamu go basa.

Eksodusi 4:10

Zonake Mosi aku ka Jehova: Ehe! Wena Hosi, a nzi munhu wo zi kota ku wulawula khwatsi, hambu tolo, ne tolweni, hambu kusukela lezi u sanguleko ku wulawula ni nanza ga wena, cima a nzi zi koti ku wulawula khwatsi, hakuva nzi munhu wa manghakamela ni xirimiti.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Joxua 3:3

ti leletela vontlhe lezaku: Loku mu wona a nghaxa ya xivumelwano xa Jehova Nungungulu wa nwina na gi rwelwe hi vapristi va vaLevi, mu ta suka lomu mu govileko kona, mu famba lenzhako ka yona.

Joxua 3:5

Na Joxua i te ngalo ka vanhu: Basisani wutsumbu ga nwina, hakuva manziko Jehova i ta maha zihlamaliso xikari ka nwina. Ekso. 19:10, 14