Joxua 3:16 - Tshwa Bible

¹⁶ a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3

Joxua 3:16 Mawu Ofanana

Genesisi 14:3

Lava vontlhe va lo tlhangana le mikoveni ya le Sidime (kwaleyo Bimbini ga Munyu).

1 Tihosi 4:12

Baana nʼwana Ahiluda i wa yimisilwe le Taanaka ni le Megiddo ni gontlhe tiko ga ka Bete-xani gi nga kusuhi ni le Zaretani, hi lahasi ka Jezreeli, kusukela le Bete-xani kala le Abele-mehola kala kuya le tlhatukweni wa Jokmeame.

1 Tihosi 7:46

A hosi yi lo zi tlomba le libaleni la Jordani ni nzhope ya misava le xikari ka Sukote ni Zaretane.

Tisimu 114:3

A bimbi gi lo zi wona gi tsutsuma, Jordani gi lo tlheliswa nzhako. Ekso. 14:21; Jox. 3:16

Tisimu 114:5

Wena bimbi, xini xi ku mahako u tsutsuma ke? Na wena Jordani, lezi u nga tlhelela nzhako?

Tisimu 29:10

Jehova i wa fuma xikhatini xa Ntalo; Ina, Jehova i tava Hosi kala kupinzuka. Gen. 6:17

Tisimu 33:7

A viringetela a mati ya bimbi ma maha nhulu, A veka kueta lomu wuhlayiselweni. Gen. 1:9; Joba 38:8

Tisimu 66:6

I hunzulusile bimbi a gi maha muhanza wu womileko, Va lo famba hi milenge va tlatuka congo; Hi lo mu tsakela laho. Ekso. 14:21; Jox. 3:18

Tisimu 74:15

U velisile a zibuka ni micongo, U pswisa a micongo ya ntamu. Ekso. 17:6; Mitse. 20:11; Jox. 3:16

Tisimu 77:19

A gonzo ga wena gi lo tsemakanya bimbi, Ni ndlela ya wena yi wa hi xikari ka mati yo eta; Ni mabatha ya mikonzo ya wena a ma kumekangi. Ekso. 14:22

Tisimu 78:13

I lo avanyisa bimbi, a va tlhatukisa, A maha mati ma yima khwatsi i nhulu.

Eksodusi 14:21

Zonake Mosi i lo nawuluta a canja gakwe hehla ka bimbi, Jehova a tlhelisa a bimbi hi mheho ya ntamu ya Mutsuwuka-gambo, yi nga wa pupuxa wusiku gontlhe a pswhisa bimbi, a mati ma avanyeka hi laha xikari. Jox. 4:23; Isa. 63:12

Eksodusi 14:22

A vanana va ka Israeli va lo famba hi laha xikari ka bimbi misaveni yi womileko; ni mati ma lo yima hi matlhelo mambiri. 1 Kor. 10:1; Maheb. 11:29

Eksodusi 14:29

Kanilezi a vanana va ka Israeli va lo famba xikari ka bimbi; laha misaveni yi womileko, ni mati ma wa yimile hi matlhelo mambiri.

Eksodusi 15:8

Hi kuhefemula ka tinhovu ta wena, a mati ma lo tsemeka, A mati lawa ma khulungako ma yimisilwe ma maha nhulu; A mabyandlati ma 16 woma xikari ka bimbi.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Ezekieli 47:8

Aku ka mina: A mati lawa ma khulungela matlhelo ya Wuca, ma relela maya Araba, ma hunzelele ma ya chela bimbini. Loku ma chelile lomu bimbini, a mati ya bimbi ma ta hunzuka mava mati ma nene.

Nahume 1:4

Wa kawuka a bimbi a gi maha gipswha, a pswhisa micongo yontlhe; Baxani ni Karmeli ya ohoma, ni xitsangi xa Lebanoni xa wuna.

Habakuka 3:8

Jehova a nga tsanwiswa hi micongo ke? U wa zangarela a micongo ke? Kutani u zangarela a bimbi, Lezi u khilelako a mahaxi ya wena, U famba hi tikareta ta wena ta ku hanyisa?

Mitsengo 34:3

hi tlhelo ga le Dzongeni gi ta sukela xiwuleni xa le Zini kala gi chikela le Edomi, zonake a mbhingano wa nwina wa le Dzonga wu ta sukela le magunweni ya Bimbi ga Munyu hi tlhelo ga le Mutsuwuka-gambo; Gen. 14:3; Jox. 15:1

Deuteronome 1:1

Leti hi timhaka leti Mosi a nga hlawutela vontlhe vanana va ka Israeli le tlhatukweni wa Jordani le xiwuleni, a nkoveni wu cuwukeneko na Sufa, xikari ka Parani na Tofela na Labani na Hazerote na Dizahaba.

Deuteronome 3:17

ni Araba ni Jordani lowu wu nga mbhingano, kusukela Kinereta kala le Bimbini ga Munyu, hi le hasi ka xitsunga xa Pisga hi tlhelo ga Mutsuwuka-gambo.

Joxua 12:3

ni le libaleni, kala le Bimbini ga Kineroti hi le Mutsuwuka-gambo, ni ku kala le Bimbini ga Munyu hi le Mutsuwuka-gambo, hi tlhelo ga le Bet-Jeximoti, ni le Dzongeni hi le hasi ka minzhelelo ya Pisga.

Joxua 15:2

A mbhingano wabye wa le Dzongeni wu sukela magumeso ya Bimbi ga Munyu, hi tlhelo ga yipswha leyi yi cuwukeneko ni le Dzongeni:

Joxua 16:7

zonake wu suka hi le Janoa, wu relela le Ataroti ni le Naara wu famba kala le Jeriko, zonake wu ya gumesa le Jordani.

Joxua 3:13

Hakuva laha mikonzo ya vapristi lava va rwalako a nghaxa ya Jehova a Hosi ya misava yontlhe yi ta nga yima matini ya Jordani, a mati ya Jordani lawa ma tako hi le hehla, ma ta tsemeka ma yima, ma maha xitsunzulu.

Joxua 4:22

Zonake mu ta tivisa a vanana va nwina, lezaku: Israeli i lo tlhatuka loyi Jordani na ku womile laha,

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

Valamuli 7:22

Kanilezi laha lava va 300 va nga waba mipunzu, Jehova i lo maha vaMidiani va tlhavana ha voce hi matlhari yabye lomu wugovelweni gontlhe. A yimpi yontlhe yi nga hi lomu wugovelweni yi tsutsuma kala le Bet-xita, hi tlhelo ga le Zerera, va ya chikela le mbhinganweni wa Abeli-mehola, hi tlhelo ga le Tahate. 1 Sam. 14:20; Tis. 83:9