Joxua 3:1 - Tshwa Bible

¹ Joxua i lo vuka ni mixo, zonake vontlhe a vanana va ka Israeli va lo suka le Xitime va famba va ya chikela le Jordani, va yima laho, na va nga se tlhatuka a congo.

Joxua 3:1 Mawu Ofanana

Genesisi 21:14

Abrahama i lo vuka ni mixo a teka a kuga ni nghotso ya mati, a nyika Hagari, a yi pakatsa makatleni yakwe, i lo mu nyika ni nʼwana a mu fambisa; i lo famba a nzulanzula xiwuleni xa Berexeba.

Genesisi 22:3

Abrahama i lo vuka ni mixo, i lo gabhatsela a mbongola yakwe, a teka a malanza yakwe ya mambiri, na Isaka a nʼwana wakwe, i lo tshova ni tihunyi ta munyikelo wa kuhiswa, i lo suka aya ka wutshamu lego Nungungulu a nga mu byelile gona.

Tisimu 119:60

Nzi hatlisa, a nzi hlweli Ku gonga zileletelo za wena.

Jeremia 25:3

A kusukela ka lembe ga wukhume ni manharu ya Josia, a nʼwana Amoni, hosi ya ka Juda, kala legi siku, a ka malembe laya ya 23 a gezu ga Jehova gi tile ka mina, nzi gi kanele ka nwina na ga hi mixo, kanilezi nwina a mu ingisangi.

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Mika 6:5

Tiko ganga, alakanya a makungo ya Balake a hosi ya le Moabi, ni lezi Balaami a nʼwana Beore a mu hlamuleko zona, ni lezi zi nga humelela kusukela Xittimu kala Gilgale, kasi ma fela ku tiva a mitiro yi lulamileko ya Jehova. Mitse. 22:1—23:1; Jox. 2:1

Mitsengo 25:1

Laha va ka Israeli va nga wa tshamile le Xittime, a vanhu va lo bhaya ni vanhanyana va Moabi.

Marku 1:35

Laha mixweni na gi nga se tsuwuka i lo vuka a huma, aya wutshanwini ga xiwula, a ya khongela kona.

Joxua 2:1

Joxua nʼwana Nuni i lo ruma tihloli timbiri hi le xihundleni, na a hi le Xitime, aku kabye: Fambani muya hlola a tiko ni Jeriko. Vona va lo suka va famba, zonake va lo enghena lomu ndlwini ya xibhayi, a vito gakwe hi Rahabi, va etlela lomo. Mitse. 25:1; Maheb. 11:31; Jak. 2:25

Joxua 6:12

Ni mixo, Joxua i lo hatlisa ku vuka, ni vapristi va lo rwala a nghaxa ya Jehova.

Joxua 6:15

Hi siku ga wu 7, va lo vinzuka nguvu, laha wuronga gi humako, zonake va loya renzelekela a muti 7 wa makhati khwatsi hi mamahela walawo.

Joxua 7:16

Zonake Joxua i lo vuka ni mixo a tshineta laha kusuhani va ka Israeli hi tinyangwa tabye, ni nyangwa ya ka Juda yi lo khomiwa.

Joxua 8:10

Na Joxua i lo vuka ni mixo a tlhanganyisa vanhu, i lo famba a ku yalwa ni va le Ai, zinwe ni masingalakati ya ka Israeli, va wa hi mahlweni ka vanhu.

Valamuli 20:19

Zonake a va ka Israeli va lo vuka ni mixo va ya gova kusuhani ni le Gibea.

1 Samueli 17:20

Zonake Davida i lo vuka ni mixo, a siya tlhambi wakwe ni munwani murisi, a teka nzhwalo wakwe a famba, khwatsi hi lezi Jese a nga mu leletele. A xikhati a nga chikela laha wutshanwini ga tikareta a yimpi yi wa kari yi huma yiya kulweni, na yi yimbelela a muhuvo wa yimpi.