Joxua 24:14 - Tshwa Bible

¹⁴ Makunu chavani Jehova mu mu khozela hi ku kholeka ni zinene. Susani a vanungungulu lava a vararu va nwina va nga wa va khozela le tlhatuko wa congo ni le Gipite, mu khozela Jehova.

Joxua 24:14 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 35:2

Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

Ezra 9:11

leyi u nga hi leletela hi malanza ya wena a vaprofeti, uku: A tiko legi mu yako mu ya enghena ka gona mu gi fumela, i tiko gi nyenyezisilweko hi kubiha ka vamatiko, ni manyala lawa va tatileko ha wona wontihe matlhelo ya gona. Levi 18:25; 20:23

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 119:1

Va katekile lava va mbheleleko mahanyeleni yabye, Lava va fambako nayweni wa Jehova.

Tisimu 119:80

A mbilu ya mina a yi mbhelele ziyimisweni za wena; Kasi nzi nga wiswi tingana.

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 81:10

Nzi Jehova, Nungungulu wa wena, Loyi nzi nga ku humesa tikweni ga Gipite; Ahlamisa a nomu wa wena, nzi ta wu tata.

Ezekieli 20:18

Nzi te ngalo ka vana vabye lomu xiwuleni; Mu nga fambi hi mikhuwo ya vararu va nwina, mu nga lanzeli mahanyela yabye, ge hambu ku ti nyenyezisa hi zifananiso zabye.

Ezekieli 23:3

Va lo maha wuoswi le Gipite; va lo maha wuoswi wunhanyaneni gabye, va khomakhomiwa mavele, va pswhinyingetelwa tihlofu na va hi vatsongwani.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Levi 17:7

Va nga ha nyikeli miphahlelo yabye ka madimoni, lawa va bhayako nawo. Lowu wu tava nayo wa pinzukelwa ka zontlhe zizukulwana zabye. Deut. 32:17; 1 Kor. 10:20

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Luka 8:15

Kanilezi leyi yi weleko misaveni yo saseka, hi vona lava na va zwile a mhaka, va yi hlayisa hi mbilu yi nene ni yi longamileko, va pswala mihanzu hi kutimisela.

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Va le Efesusi 6:24

A tipswalo a tive na vona vontlhe va ranzako a Hosi ya hina Jesu Kristu hi liranzo li nga onhekiko.

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Deuteronome 18:13

Wena u ta mbhelela mahlweni ka Jehova Nungungulu wa wena.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Va le Filipi 1:10

kasi mu fela ku hlawula lezi zi nga zi nene, lezaku mu fela kuva mu basile, mu nga hi na kusoleka kala sikwini ga Kristu; Miti. 24:16; Rom. 12:2

Joxua 24:2

Zonake Joxua i te ngalo ka vontlhe vanhu: Jehova Nungungulu wa Israeli i ngalo: A xikhatini xa kaleloko a vararu va nwina, yena Tera a raru wa Abrahama, ni raru wa Nahori, va wa lo aka le tlhatuko wa congo, va khozela vanwani vanungungulu.

Joxua 24:23

Joxua aku: Loku zi nghaho, susani vanungungulu va vamatiko, mu hunzuluka hi timbilu ta nwina ka Jehova Nungungulu wa ka Israeli.

1 Samueli 12:14

Loku nwina mu chava Jehova, ni loku mu mu khozela, mu ingisa a gezu gakwe, mu nga ali zileletelo za Jehova, nwina ni hosi ya nwina leyi yi mu fumelako, mu ta maha valanzeli va Jehova Nungungulu wa nwina.

1 Samueli 12:24

Ntsena lezaku chavani Jehova, mu mu khozela hizinene hi timbilu ta nwina tontlhe; hakuva cuwukani mitiro ya hombe leyi a yi mahileko xikari ka nwina.

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8