Joxua 23:8 - Tshwa Bible

⁸ Kanilezi namarelani ka Jehova Nungungulu wa nwina, khwatsi hi lezi mu mahileko kala nyamutlha.

Joxua 23:8 Mawu Ofanana

2 Tihosi 18:6

Hakuva yena i lo namarela ka Jehova; a nga mu tsikangi: i lo hlayisa milayo leyi Jehova a nga leletela Mosi.

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 11:22

Hakuva loku mu hlayisa khwatsi yontlhe milayo leyi nzi mu leletelako yona mu famba ha yona; mu ranza Jehova Nungungulu wa nwina, mu famba hi tontlhe tindlela takwe, na mu namerele ka yena,

Deuteronome 13:4

Nwina mu ta lanzela Jehova Nungungulu wa nwina; mu nyika xichawo ka yena mu hlayisa milayo yakwe, mu ingisa a gezu gakwe; mu mu khozela, ni ku namarela ka yena.

Deuteronome 13:5

A muprofeti loye, kutani mulori loye, i ta dawa; hakuva i kucetele vanhu ku hluwuka ka Jehova Nungungulu wa nwina, loyi a mu humesileko tikweni ga le Gipite, a mu tlhatlhisa ndlwini ya wukhumbi; a lava ku mu hambukisa ndleleni ya Jehova Nungungulu wa nwina, leyi a mu leleteleko ku famba ha yona. Hikwalaho mu ta susa lezi zo biha xikari ka nwina.

Deuteronome 4:4

Kanilezi nwina lava mu namareleko Jehova Nungungulu wa nwina, nwentlhe ma ha hanya kala nyamutlha.

Deuteronome 8:20

Mu ta lova khwatsi hi matiko lawa Jehova a ma lovisileko mahlweni ka nwina, hakuva nwina a mu ingisangi a gezu ga Jehova Nungungulu wa nwina.

Joxua 22:5

Ntsena lezaku ti woneleni khwatsi, mu maha zileletelo ni nayo lowu Mosi a nanza ga Jehova a mu leleteleko wona, ni ku ranza Jehova Nungungulu wa nwina, ni ku namarela ka yena, ni ku mu khozela hi timbilu ta nwina tontlhe ni mihefemulo ya nwina yontlhe.

Joxua 23:7

Mu nga hlengeli ni matiko lawa maseleko xikari ka nwina; mu nga dzuki mu kumbuka mavito ya vanungungulu vabye, ge hambu ku hlambanya ha vona; mu nga dzuki mu va khozela ni ku va khizamela.

Joxua 23:9

Hakuva Jehova i hlongolile mahlweni ka nwina a matiko ya hombe ya ntamu, ni lezi a nga kona munhu a zi kotako ku yima mahlweni ka nwina kala legi siku.