Joxua 23:6 - Tshwa Bible

⁶ Hikwalaho tiyani nguvu, mu hlayisa ni ku maha zontlhe lezi zi tsalilweko lomu bhukwini ga nayo wa Mosi, mu nga hambuki xineneni hambu xibhabheni.

Joxua 23:6 Mawu Ofanana

1 Tihosi 2:3

Hlayisa milayo ya Jehova Nungungulu wa wena, u famba hi tindlela takwe, u hlayisa zileletelo zakwe, ni milayo yakwe, ni nongameto wakwe, ni wukustumunyu gakwe khwatsi hi lezi zi tsalilweko nayweni wa Mosi, kasi u fela ku tlhariha zilweni zontlhe lezi u ta nga zi maha ni kwihi laha u yako kona;

Tisimu 101:3

Nzi nga ta langutela a zilo zi bihileko. Nza venga a zimaho za vagohi, Cima zi nga ta nzi namarela.

Tisimu 119:102

A nzi hambukangi zilayelweni za wena, Hakuva wena wa nzi gonzisa.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Deuteronome 12:32

Zontlhe lezi nzi mu leleteleko mu ta zi hlayisa, mu zi maha. Mu nga engeteli nchumu, ge ni ku hungula nchumu.

Deuteronome 17:20

kasi a mbilu yakwe yi nga ti kukumukisi hehla ka vamakabye vakwe, ni lezaku a nga hambuki nayweni, aya tlhelo ga xinene hambu a tlhelo ga xibhabha, kasi yena wa fela ku engetelwa a masiku yakwe lomu mufunweni wakwe, yena ni vana vakwe lomu xikari ka va ka Israeli.

Deuteronome 28:14

ni loku u nga hambuki xineneni hambu xibhabheni a ka timhaka tontlhe leti nzi ku leletelako tona inyamutlha, kasi u nga lanzeli vanwani vanungungulu ni ku va khozela.

Deuteronome 5:32

Chelani kota, mu maha kota lezi Jehova Nungungulu wa nwina a mu leleteleko; mu nga hambukeli xineneni, hambu xibhabheni,

Maheberu 12:4

Nwina a mu se ngalwa ni kuonha kala ku huma nkhata, 1 Kor. 10:13

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5