Joxua 23:3 - Tshwa Bible

³ Mina nzi wa kale, nzi na ni malembe yo tala. Na nwina mu wonile zontlhe lezi Jehova Nungungulu wa nwina a zi mahileko ka wontihe matiko lawa hi kota ya nwina; hakuva hi Jehova Nungungulu wa nwina loyi a nga mu lwela.

Joxua 23:3 Mawu Ofanana

Eksodusi 14:14

Jehova i ta mu lwela, na nwina mu ta rutisa mu miyela. Deut. 1:30

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Malaki 1:5

Mu ta zi wona hi mahlo ya nwina, muku: A kuliswe Jehova ni le handle ka tiko ga Israeli.

Deuteronome 1:30

Jehova Nungungulu wa nwina, loyi a fambako mahlweni ka nwina, i ta mu lwela kota lezi a nga mu mahela zontlhe mahlweni ka nwina le Gipite.

Deuteronome 20:4

hakuva Jehova Nungungulu wa nwina i famba zinwe na nwina ku mu lwela ka valala va nwina ni ku mu nyika kuhlula.

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

Deuteronome 7:17

Loku u wula lomu mbilwini ya wena ku ngalo: Matiko lawa ma nzi hunza hi kutala; nzi ta va wutlelisa kuyini a tiko ke?

Deuteronome 7:24

I ta nyikela tihosi tabye canjeni ga wena, zonake u ta fuvisa mavito yabye lahasi ka tilo. A ku na munhu loyi a ta nga tiya mahlweni ka wena, kala u va lovisa.

Joxua 10:14

Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.

Joxua 10:42

Joxua i lo khozisa khatiginwe tontlhe tihosi leti ni matiko ya tona, hakuva Jehova Nungungulu wa ka Israeli i lo lwela Israeli.

Joxua 23:10

Munhu munwe wa nwina i ta hlongola a 1,000 wabye; hakuva hi Jehova Nungungulu wa nwina a mu lwelako, khwatsi hi lezi a mu tsumbisileko. Levi 26:8; Deut. 28:7