Joxua 22:27 - Tshwa Bible

²⁷ kanilezi gi tava ga wukustumunyu xikari ka hina na nwina, ni le zizukulwaneni za hina anzhako ka hina, kasi hi khozela Jehova mahlweni kakwe hi minyikelo ya hina ya kuhiswa, ni miphahlo ya hina, ni miphahlo ya hina ya kubonga, kasi a vanana va nwina va nga wuli ka vanana va hina ginwani siku, vaku: A mu na xiavelo ka Jehova: Gen. 31:48

Joxua 22:27 Mawu Ofanana

Genesisi 31:48

Labani i te ngalo: Makunu lexi xitsunzulu i kustumunyu xikari ka mina na wena. Hikwalaho a vito ga xona gi chulwa ku ngalo hi Galedi;

Genesisi 31:52

lexi xitsunzulu ngha xi hi kustumunyu, ni leyi mhinga ngha yi hi kustumunyu, lezaku nzi nga hunzi lexi xitsunzulu nzita ka wena, ni lezaku wenawu u nga hunzi lexi xitsunzulu ni leyi mhinga, uta ka mina hi wulala.

Tisimu 16:5

Jehova hi xiavelo xa mina ni gombe ga mina; Hi wena u gongolako a tshomba ya mina.

Isaya 19:19

A ka xikhati lexo ku tava kona a ganzelo ga Jehova lomu xikari ka Gipite, ni le mbhinganweni ku ta yimiswa a mhinga leʼyi ta nga basiselwa Jehova.

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Joxua 22:10

Ni laha va nga wa chikele mbhirini ya Jordani, a mbhinganweni wa tiko ga Kanani, a vanana va ka Rubeni, ni vanana va ka Gadi, ni khihlanya ga lixaka la ka Manasa va lo aka a alati laha mbhirini ya Jordani, a alati ga hombe go woneka kule.

Joxua 22:26

Hikwalahoke hi te ngalo: A hi akeni alati, na gi nga hi alati ga munyikelo wa kuhiswa ni miphahlo;

Joxua 22:28

Zi nga lezo hina hi ngaku: Loku ginwani siku va wula lezo ka hina kutani ka zizukulwana za hina, hi taku ka vona: Langutani xipimanyiso xa alati ga Jehova lexi vararu va hina va xi mahileko, xi nga hi xa munyikelo wa kuhiswa ni xa miphahlo, kanilezi xa wukustumunyu xikari ka hina na nwina.

Joxua 22:34

Ni vanana va ka Rubeni ni vanana va ka Gadi va lo chula alati a vito gaku Edi; hakuva va te ngalo: Gona gi ta kuva kustumunyu xikari ka hina lezaku Jehova i Nungungulu.

Joxua 24:27

Zonake Joxua aku ngalo ka vanhu vontlhe: Langutani, ribye legi gi tava kustumunyu gi ta nga hi kecara, hakuva gi zwile tontlhe timhaka leti Jehova a wulileko ka hina, gi tava kustumunyu lezaku mu nga dzuki mu kaneta Nungungulu wa nwina.

1 Samueli 7:12

Zonake Samueli i lo teka a ribye a gi yimisa xikari ka Mizpa ni Xena, a gi chula vito ga Ebenezer, aku: Kala ni lezi Jehova i hi vunetele.