Joxua 22:22 - Tshwa Bible

²² Nungungulu Nyamintamu, Nungungulu Jehova, wa zi tiva, na yenawu Israeli i ta zi tiva! Loku hina hi mahile lezo zilo hi kuhluwuka hi vukela Jehova ni ku mu onhela, u nga hi ponisi inyamutlha.

Joxua 22:22 Mawu Ofanana

1 Tihosi 8:39

va ingise na u hi kwaseyo tilweni laho u tshamileko kona, u va tsetselela u tira; u nyika ka munwe ni munwani kotisa tindlela takwe, kota lezi wena u tivako a mbilu ya munhu, hakuva hi wena wece u tivako timbilu ta vontlhe vanana va vanhu, Tis. 7:10; Jer. 11:20; 17:10

Joba 10:7

Wena wa tiva lezaku a nzi na nanzu, Ni lezaku a nga kona loyi a nga tlhatlhisako mandleni ya wena.

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Joba 31:22

Zonake ngha a woko ga mina giwa, gi suka laha katleni; Ni rambu ga woko ga mina a gi tshoveke.

Tisimu 136:2

Dumisani a Nungungulu wa vanungungulu, Hakuva a wuxinji gakwe ga kala kupinzuka. Deut. 10:17; 1 Kor. 8:5

Tisimu 37:6

I ta wonekelisa a kululama ka wena khwatsi hi kuwonekela, Ni fanelo ya wena kota laha munwini.

Tisimu 40:9

Nzi bile hungu hi kululama lomu hlengeletanweni wa hombe; A nzi valangi nomu wa mina, Jehova, wena hi wena u zi tivako.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Tisimu 44:22

Kunene, hi kota ya wena ha dawa siku gontlhe, Hi hlayelwa kota tiyivu ti yako kutlhabyiweni. Rom. 8:36

Tisimu 50:1

Nungungulu, a nga Nungungulu Jehova, i wulile, Na vitana misava kusukela Mutsuwuka-gambo kala Muhlwa-gambo.

Tisimu 82:1

Nungungulu i yimile hlengeletanweni ya Nungungulu, Wa lamula xikari ka vanungungulu:

Tisimu 95:3

Hakuva Jehova i Nungungulu wa hombe; I Hosi ya hombe hehla ka vanungungulu vontlhe,

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Jeremia 12:3

O Jehova, wena wa nzi tiva. Wa nzi wona, u hlola mbilu ya mina lezaku yi tshamisa kuyini ka wena. Simula vona kota tiyivu ti yiswako silahweni, Va longisele a siku ga kudawa.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Mitiro 1:24

Zonake va lo khongela, vaku ngalo: Hosi, wena loyi u tivako a timbilu ta vanhu vontlhe, komba loyi wena u mu hlawulileko ka lava vambiri, Joh. 2:25; Maheb. 7:13; Kuv. 2:23

Mitiro 25:11

Ahemba-lezoke, loku nzi gohile, nzi maha xilo xi faneleko kufa, a nzi ali kufa; kanilezi loku ku nga hi na zinene timhakeni leti va nzi ranisako ha tona, a ku na munhu a ta nga nzi nyikela kabye. Nzi ta yisa a mhaka ya mina ka Kesari. Xip. 18:14; 23:29; 26:31, 32

2 Va le Korinte 11:11

Hikuyini ke? Hi lezi nzi nga mu ranziko ke? Nungungulu wa zi tiva lezaku nza mu ranza. Xip. 7:3

2 Va le Korinte 11:31

Nungungulu tlhelo Dadani wa Hosi Jesu, loyi a bongiwako kala kupinzuka, wa zi tiva lezaku a nzi hembi wunwa. Rom. 9:5

2 Va le Korinte 5:11

Hikwalaho kota lezi hi tivako a kuchaveka ka Hosi, ha khongotela vanhu a ku kholwa, kanilezi Nungungulu wa zi tiva lezi hi nga zona; nza tsumba lezaku ha tibyiwa kambe livalweni la nwina.

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Joxua 22:21

Zonake a vanana va ka Rubeni, ni vanana va ka Gadi, ni khihlanya ga lixaka la ka Manasa va lo hlamula va ku ngalo ka tihosana ta matala ya ka Israeli:

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.

1 Samueli 2:3

Mu nga ha engeti mu wulawula hi matshanza, Ni wuxezi gi nga ha humi nonwini wa nwina; Hakuva Jehova i Nungungulu loyi a tivako zontlhe. Hi yena loyi a ringanyisako zimaho za vanhu.