Joxua 2:9 - Tshwa Bible

⁹ na yena i te ngalo kabye: Nza zi tiva lezaku Jehova i mu nyikile legi tiko, hina hi na ni manyeho hi nchavo lowu mu wu vuxileko, ni vontlhe vaaki Va tiko va mbhelile ntamu hi kota ya nwina. Ekso. 15:14; 23:27

Joxua 2:9 Mawu Ofanana

Genesisi 35:5

Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

2 Samueli 17:10

Lahoke hambu wanuna loyi wa wunhenha ga hombe, ni loyi a nga ni mbilu yo kota ya nghala, i ta rurumela a chava, hakuva vontlhe va ka Israeli va zi tiva lezaku a raru wa wena i nghwazi, ni lezaku vontlhe vavanuna lava va mu lanzelako tinhenha.

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

2 Tihosi 7:6

Hakuva Jehova i wa zwatisile le wugovelweni ga maSiria a guwa ga tikareta, ni ga mahaxi, ni ga yimpi ya hombe; zonake vaku ka munwe ni munwani: A hosi ya ka Israeli yi hi rambele a tihosi ta vaHiti ni ta vaGipite a ku ta hi hlasela. Isa. 13:4

Nehemia 6:16

Laha vontlhe valala va hina va nga zizwa, a vamatiko vontlhe va nga wa hi renzelekele va lo chava, va tsanwa nguvu, hakuva va wa zi pima lezaku a ntiro lowu wu wa mahilwe hi Nungungulu wa hina.

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Tisimu 112:10

A wakubiha i ta zi wona a tsanwa, I ta getsela meno, a hlomuka; A kuxuva ka wakubiha ku ta fuva.

Tisimu 115:16

A matilo nja Jehova, Kanilezi a misava i yi nyikile ka vanana va vanhu.

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 23:27

Nzi ta rumela kuchabya ka mina mahlweni ka wena, nzi ta hangalasa a vanhu lava u ta nga chikela ka vona; nzi ta panzanya a valala va wena vontlhe.

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Isaya 23:5

Loku zi bikiwa le Gipite Va ta xaniseka hi kota ya hlokiselelo wa Tire.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Nahume 2:10

I phanga, a nga na nchumu, i hahlulwe. A timbilu ta nyeka, a madzolo ma dzudzumela, a tinyonga ta bayisa, a tinghohe ta vona vontlhe ti hunzukile. Isa. 13:7; Joeli 2:6

Mitsengo 20:14

Laha va nga hi Kadexe, Mosi i lo ruma mitsumi ka hosi ya ka Edomi, aku: Makwenu Israeli i ngalo: Wena wa tiva a zikarato zontlhe lezi hi humelweko ha zona.

Mitsengo 20:24

Aroni i ta amukelwa ka va ka kabye, hakuva a nga ta enghena ka tiko legi nzi nyikileko a vanana va ka Israeli; hakuva mu kanetile a gezu ga mina le matini ya le Meriba.

Mateu 20:15

A zi faneli a kuva nzi maha lezi nzi zi ranzako hi za mina nwinyi ke? kutani a tihlo ga wena gi bihile hilezi nzi nga nene ke? Rom. 9:21

Deuteronome 11:25

Cima ku nga tava kona munhu a ta nga tiya mahlweni ka nwina; na Jehova Nungungulu wa nwina i ta chela kuchava ni kururumela kontlhe lomu mu ta nga famba ha kona, khwatsi hi lezi a mu byelileko.

Deuteronome 2:25

Inyamutlha nzi ta sangula ku chavisa ni ku dzukisa ha wena a matiko wontihe lawa ma nga lahasi ka tilo. Ma ta rurumela ma mbhela ntamu mahlweni ka wena, laha va ta ngazwa a wudumo ga wena. Ekso. 23:27; Deut. 11:25

Deuteronome 28:10

Zonake a matiko wontihe ya misava ma ta wona lezaku wena u vitanwa hi vito ga Jehova, va ta ku chava.

Deuteronome 32:8

Loku Loyi a nga Hehla-hehla a nyikileko matiko a tshomba ya wona, Laha yena na a hambanyisile a vanana va vanhu, I lo tsala mimbhingano ya vanhu Khwatsi hi wunyingi ga vanana va ka Israeli.

Maheberu 11:31

Hi kukholwa Rahabi a xibhayi a nga fangi zinwe ni lava va nga ingisangiko, hilezi a nga amukela a tihloli hi kurula. Jox. 6:23

Joxua 2:11

Na hi zwile lezo a timbilu ta hina ti lo nyeka; a ha hi na kutiya ka nchumu hi kota ya nwina; hakuva Jehova Nungungulu wa nwina hi Nungungulu loyi a nga le hehla tilweni, ni lahasi misaveni.

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 2:8

Na ti nga se etlela a tihloli, a wasati i lo kanziha aya ka vona le hehla ka langwa;

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

Joxua 6:2

Na Jehova i te ngalo ka Joxua: Languta, nzi nyikele canjeni ga wena a Jeriko ni hosi ya kona, ni tinhenha ta kona.

Joxua 9:10

ni zontlhe lezi a mahileko ka tihosi timbiri ta maAmori le tlhatuko wa Jordani, ka Sihoni a hosi ya le Hexboni, na Ogi a hosi ya le Baxani, lava va nga wa hi kona le Axtarote. Mitse. 21:23; Deut. 1:4; 3:3

Joxua 9:24

Vona va lo hlamula Joxua, vaku ngalo: Malanza ya wena ma byelilwe ziku dlunya lezaku Jehova Nungungulu wa wena i leletele Mosi, a nanza gakwe, a ku mu nyika gontlhe legi tiko ni ku lovisa mahlweni ka nwina vontlhe vanhu va tiko legi; hikwalaho hina hi lo chava nguvu ha nwina hi kota ya wutomi ga hina, kala hi maha lezi.

Joxua 9:9

Vona va te ngalo kakwe: Malanza ya wena mata hi le tikweni ga le kule nguvu hi kota ya vito ga Jehova, Nungungulu wa wena, hakuva hina hi zwile wudumo ga yena, ni zontlhe lezi a zi mahileko le Gipite,

Valamuli 7:14

Inaloye a hlamula, aku: A noro lowu a wu wuli xinwani xilo, loku ku nga hi supado ya Gideoni nʼwana Joaxi, a wanuna wa ka Israeli. Jehova i nyikele vaMidiani ni yimpi yontlhe mandleni yakwe.