Joxua 2:19 - Tshwa Bible

¹⁹ Kani hi wihi loye a ta nga huma lahandle laha nyangweni ya yindlu ya wena, a nkhata wakwe wu tava hlokweni yakwe, hina hi nga tava ni nanzu. Kanilezi kani hi wihi a ta nga dawa na a hi lomu ndlwini ya wena, a nkhata wakwe wu tava hehla ka tihloko ta hina.

Joxua 2:19 Mawu Ofanana

2 Samueli 1:16

Davida i te ngalo ka yena: A nkhata wa wena a wuve hlokweni ya wena nwinyi, hakuva a nomu wa wena wu kustumunya, wuku: Hi mina nzi nga daya a totilweko wa Jehova.

2 Samueli 4:11

Ku ta kuyini loku a vakubiha va dele a munhu a lulamileko lomu ndlwini yakwe laha mubhedini wakwe, nzi nga ta lava a nkhata wakwe mandleni ya nwina, nzi mu lovisa laha misaveni ke?

1 Tihosi 2:32

Jehova i ta tlhelisela hlokweni yakwe a nkhata wakwe yena nwinyi, hakuva i dele a vavanuna vambiri va lulamileko ku hunza yena, a va daya hi tlhari na dadani wa mina Davida a nga zi tivi-—ku nga Abneri wa Neri, a nduna ya yimpi ya ka Israeli, na Amasa wa Jetera, a nduna ya yimpi ya ka Juda.

Eksodusi 12:13

A nkhata wu tava xikombiso xa nwina, ka tiyindlu leti mu nga ka tona; loku nzi wona nkhata, zonake nzi ta hunza; kasi a mhango yi nga engheni xikari ka nwina yi mu daya, xikhati lexi nzi dayako vaGipite.

Eksodusi 12:22

Mu ta teka a musase wa hisope mu wu peta lomu nkhateni lowo wu ta ngava lomu ngelweni, mu tota timhanze ta laha nyangweni ya yindlu; ku nga dzuki ku huma munhu hi lomu ndlwini yakwe na gi nga seca.

Eksodusi 12:23

Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.

Levi 20:11

Loku wanuna a etlela ni sati wa raru wakwe, a funungula wumbyiri ga raru wakwe, va ta dawa hi wumbiri gabye; a nkhata wabye wu tava hehla kabye.

Levi 20:9

Kani hi wihi loyi a rukatelako a raru wakwe kutani nyine wakwe, hakunene i ta dawa; hakuva i rukatele a dadani wakwe ni mamani wakwe. Ni nkhata wakwe wu tava hehla ka yena nwinyi. Deut. 27:16; Mav. 20:20; Mat. 15:4

Mateu 24:17

loye a nga hehla ka yindlu a nga ha chiki a ku ya teka lezi zi nga lomu ndlwini yakwe;

Mitiro 18:6

Kanilezi laha va nga kaneta, va rukatela, i lo zuza a tinguwo takwe, aku ngalo kabye: A nkhata wa nwina a wuve hehla ka tihloko ta nwina venyi; mina nzi basile, a kusukela lezi nzi taya ka vamatiko. Xip. 13:45; 28:28; Ezek. 33:9; 1 Ped. 1:4

Mitiro 20:26

Hikwalaho nyamutlha nza tiyisa ka nwina, lezaku a nzi na nanzu nkhateni wa nwina nwentlhe.

Mitiro 27:31

Kanilezi Paule aku ngalo ka nduna ya zana ni ka masochwa: Loku vanalava va nga tshami tarwini, a mu na ku pona.

Va le Filipi 3:9

nzi kumiwa ka yena, na nzi nga hi na kululama ka mina loku ku nga ka nayo, kanilezi loku ku nga ka kukholwa ka Kristu, a kululama loku ku tako hi ka Nungungulu hi kukholwa, Tis. 143:2; Isa. 64:6; Rom. 1:17; 10:3; Gal. 2:16; 2 Ped. 1:1

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Joxua 2:12

Hikwalaho mina nza mu khongotela lezaku mu hlambanya ha Jehova lezaku kota lezi nzi mu hawukeleko, na nwinawu mu fela ku hawukela a yindlu ya dadani wa mina, mu nzi nyika xiwoniso xa zinene,

Joxua 2:14

Ni vavanuna va te ngalo kakwe: A wutomi ga hina ga nwina kala kufeni, loku nwina mu nga puxisi timhaka ta hina; kasi loku Jehova a hi nyika legi tiko, hina hi ta ku hawukela hi maha kusasa ha nwina.

Joxua 2:20

Kanilezi loku wena u lanzula timhaka ta hina, hina hi ta tlhatlheka ka xifungo lexi u hi Hambanyisileko xona.