Joxua 18:16 - Tshwa Bible

¹⁶ zonake wu relela magumo ka xitsunga lexi xi cuwukeneko ni nzhelelo wa Ben-Hinome lowu wu nga nzhelelo wa va ka Refaime, hi le Nwalungu, zonake wu relela hi nzhelelo wa Ben-Hinome, wu kongoma tlhelo ga le Dzongeni ka xitsunga xa vajebusi ni ku kala le En-Rogeli;

Joxua 18:16 Mawu Ofanana

2 Samueli 17:17

Makunu Jonatani na Ahimaza va wa tshama hi le Enrogeli, kanilezi a nanza ga xisati gi wa tolovela kuya gi ya va byela timhaka toya ka Davida, hakuva va wa chava ku ti wonekelisa le mutini.

2 Samueli 5:18

A vaFilistia va lo ta mbambamela le koveni wa le Refaime.

1 Tihosi 1:9

Adonija i lo daya a tiyivu ni tikavi ni marole yo nona kusuhani ni ribye ga Zohelete legi gi nga laha kusuhani ni Enrogeli; na yena i lo vitana vontlhe vanakulobye, a vana va hosi, ni vontlhe vanhu va ka Juda a malanza ya hosi. Jox. 13:7; 18:16

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

1 Kronekele 14:9

A vaFilistia va lo maha xijumani le mikoveni ya Refaime.

2 Kronekele 28:3

Ni kambe i lo hisa a tibani le nkoveni wa nʼwana Hinome, a hisa a vanana vakwe laha nzilweni, a lanzela mahanyela ya matiko lawa Jehova a nga ma hlongola mahlweni ka va ka Israeli. Deut. 18:10; Jer. 7:30

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Jeremia 19:11

uku kabye; Jehova wa tiyimpi i ngalo: Nzi ta pswhandlasa legi tiko ni lowu muti, a ku fanana ni loku ku fayiwa a mbita ya muwumbi, yi nga ha zi kotiko ku tlhanganyisiwa kambe. Ku ta lahlelwa laho Tofete, hi ku vumala wutshamu ginwani.

Jeremia 19:2

huma uya nkoveni wa nʼwana wa Hinnome, kusuhani ni nyangwa ya Zirengele, u kanela seyo a timhaka nzi to ku byela.

Jeremia 19:6

Hikwalaho a masiku ma tshinele, ku wula Jehova, lezaku legi wutshamu gi nga ta ha vitanwa ku Tofete, hambu kuva Nkova wa nʼwana wa Hinnome, kanilezi i Nkova wa Silaho.

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Joxua 15:63

Kasike a vajebusi, a vanhu va le Jerusalema, a vanana va ka Juda a va zi kotangi ku va hlongola, hikwalaho a maJebusi va lo aka ni vanana va ka Juda kala inyamutlha le Jerusalema. Vala. 1:21; 2 Sam. 5:6

Joxua 18:28

ni Zela, ni Elefa, ni Jebusi (ku nga kona Jerusalema), ni Gibea, ni Kiriati; 14 wa miti ni zimitana za yona. Leyi hi tshomba ya vanana va ka Benjamini hi mingango yabye.

Valamuli 1:21

Kanilezi a vanana va ka Benjamini a va hlongolangi a vajebusi lava va akileko lomu Jerusalema. Hikwalaho a vajebusi va akelene ni vana va Benjamini le Jerusalema kala nyamutlha. Jox. 15:63; 2 Sam. 5:6

Valamuli 1:8

A vanana va ka Juda va lo vukela Jerusalema. Va lo enghena va gi khozisa hi wutlha ga supado, va hisa muti wa kona.

Valamuli 19:10

Kanilezi a wanuna i lo ala kuxwa lego wusiku; i lo suka a famba a ya chikela kusuhani ni Jebusi (ku nga Jerusalema); i wa hi ni timbongola timbiri ti nga gabhatselwe. I wa hi ni mundlukulu wakwe.