Joxua 17:11 - Tshwa Bible

¹¹ Manasa i lo nyikiwa lomu tikweni ga Isakari ni ga Axeri: a Bet-Xani ni miti ya kona, a Jibleami ni miti ya kona, ni vanhu va Dori ni miti ya kona, ni vanhu va Endora ni miti ya kona, ni vanhu va Taanaka ni miti ya kona, ni vanhu va Megiddo ni miti ya kona; yi nga miganga minharu.

Joxua 17:11 Mawu Ofanana

2 Samueli 21:12

Davida i lo ya teka marambu ya Saule ni ya nʼwana wakwe Jonatani le ka va ka Jebexe-Gileade, lawa va nga ma yivile le libaleni la le Bete-Xane laho a vaFilistia va nga wa hayekile kona a siku lego va nga daya Saule le Gilboa.

1 Tihosi 9:15

Lexi hi xigelo xa xibhalu lexi hosi Solomoni a nga tirisa vanhu ku aka a yindlu ya Jehova ni yindlu yakwe, ni Millo, ni ligingisi la Jerusalema, ni Hazora, ni Megiddo, ni Gezera.

2 Tihosi 9:27

Laha Ahazia a hosi ya ka Juda a nga wa zi wonile, i lo tsutsuma hi ndlela ya yindlu ya simu, kanilezi Jehu i lo hlongolisa, aku: Mu dayeni yenawu lomu kareteni! Va lo mu daya lomu kareteni yakwe a kukanziheni ka Gura legi gi nga kusuhi ni Ibieama. I lo chavela le Megiddo a ya fela kona.

1 Kronekele 6:70

Ni lomu ka khihlanya ga nyangwa ya ka Manasa: Anera ni matikwana ya kona, ni Bileama ni matikwana ya kona, kuva ka ngango wa vana va ka Kohate.

1 Kronekele 7:29

A mimbhingano ya vana va ka Manasa, Bet-Xeani ni miti ya kona, Taanaka ni miti ya kona, Meggido ni miti ya kona, Dora ni miti ya kona. Mitini leyi ku wa akile a vana va ka Josefa nʼwana Israeli. Zizukulwana za Axeri.

2 Kronekele 35:22

Kanilezi Josia a nga hunzulukangi a tlhela; cima a nga ingisangi a timhaka ta Neko, leti ti humako hi le nonwini wa Nungungulu. I lota a ku talwa le nkoveni wa Megido.

Tisimu 83:10

Lava va nga lobyiswa le Endor, Va mahile koho wa misava.

Jeremia 49:2

Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

Zakaria 12:11

Hi siku lego ku tava ni hlomulo wa hombe le Jerusalema, wo fanana ni hlomulo wa Hadadrimmoni lomu mikoveni ya Megiddoni.

Joxua 11:2

ni ka tihosi ta le Nwalungu zitsungeni, ni le mikoveni hi Dzongeni ga Kinerota, ni le tikweni ga le tivaleni, ni le mitsurini ya Dore, hi le Mupela-gambo;

Joxua 12:21

hosi ya le Tanaka, yinwe; hosi ya le Megiddo, yinwe;

Joxua 12:23

hosi ya le Dora le zitsungeni za Dora, yinwe; hosi ya Goime le Gilgale, yinwe;

Joxua 16:9

A vanana va ka Efraime va wa hi ni miti yabye hi tlhelo gabye, lomu xikari ka tshomba ya vanana va ka Manasa; leyi miti yi wa hi ni zimitana za yona.

Joxua 17:10

Hi le Dzongeni i tiko ga ka Efraime, kanilezi hi le Nwalungu i tiko ga ka Manasa; a mbhingano wa gona hi bimbi. Kala va chikela le Axeri hi le Nwalungu, ni ka va ka Isakari hi Mutsuwuka-gambo.

Joxua 17:16

Ni vanana va ka Josefa va lo hlamula, vaku ngalo: A xitsunga lexi xi nga ta enela, ni kambe a vaKanani vontlhe lava va akileko lomu tikweni ga mikova va na ni tikareta ta tisimbi, ni vanhu va le Bet-Xani ni miti yi nga le tlhatuko kabye, ni lava va nga le nkoveni ka Jezreeli.

Valamuli 1:27

Manasa a nga hlongolangi a vaaki va le Bet-xeani zinwe ni miti ya kona, hambu Taanake ni miti ya kona, hambu ni vaaki va le Dora ni miti ya kona, hambu vaaki va le Ibeleami ni miti ya kona ge hambu vaaki va le Megido ni miti ya kona. Kanilezi a vaKanani va lo simamisa va aka lomu tikweni lego.

Valamuli 5:19

A tihosi ti lo chikela tilwa; Zonake kulwa a tihosi ta le Kanani, Le Taanake kusuhani ni le matini ya Megido; Kanilezi a va kumangi a muphango ni siliva.

1 Samueli 28:7

Zonake Saule i te ngalo ka malanza yakwe: Nzi laveleni wasati loyi a zi tivako ku vumbula vakufa, kasi nza fela kuya kakwe nzi ya mu wutisa. A malanza yakwe ma te ngalo kakwe: I kona wasati loyi a zi kotako ku vumbula vakufa le mutini wa Endora.

1 Samueli 31:10

Va lo veka matlhari yakwe lomu tempeleni ya Axtarte, va hayeka xirumbi xakwe laha khurisini ga le Betexane.

1 Samueli 31:12

Vontlhe vavanuna va tinhenha va lo suka, va famba wusiku gontlhe, va ya teka xirumbi xa Saule ni za vana vakwe laha khurisini ga le Betexane; vaya nazo le Jebexe va ya zi hisa kona.