Joxua 13:8 - Tshwa Bible

⁸ Va ka Rubeni ni va ka Gadi, va lo amukela a tshomba yabye leyi Mosi, a nanza ga Jehova, a nga va nyika le tlhatuko wa Jordani, hi le Mutsuwuka-gambo, Mitse. 32:33; Deut. 3:12

Joxua 13:8 Mawu Ofanana

Mitsengo 32:19

hakuva hina hi nga ta avana navo a tshomba ya seno tlhatuko wa Jordani, ge hambu le mahlweni, hakuva a tshomba ya hina hi yaleyi seno Mutsuwuka-gambo wa Jordani.

Deuteronome 3:8

Lezo ka xona xikhati lexo hina hi lo teka a tiko ga tihosi timbiri ta maAmori, leti ti nga wa hi le tlhatuko wa Jordani, kusukela Congweni wa Amoni kala le xitsungeni xa Hermoni

Joxua 12:1

Makunu leti hi tihosi leti a vanana va ka Israeli va nga ti khozisa, leti va tekileko matiko ya tona le tlhatukweni wa Jordani, hi le Mutsuwuka-gambo, kusukela ka xicongwana xa Amoni kala le xitsungeni xa Hermoni, ni libala lontlhe la le Mutsuwuka-gambo;

Joxua 12:6

Mosi, a nanza ga Jehova, ni vanana va ka Israeli, va lo va hlasela, zonake Mosi, a nanza ga Jehova, i lo gi nyika ka va ka Rubeni, ni va ka Gadi, ni ka khihlanya ga nyangwa ya ka Manasa, a ku maha tiko gabye. Mitse. 21:33; 32:33

Joxua 13:7

Makunu lezi avela a tiko legi hi ku hlahluva, gi tava tshomba ya 9 wa tinyangwa, ni khihlanya ga nyangwa ya ka Manasa.

Joxua 13:9

kusukela le Aroera legi gi nga mbhirini wa xicongwana xa Amoni, ni kusukela mutini lowu wu nga xikari ka nkova, ni lontlhe libala la Medeba kala le Diboni;

Joxua 22:4

Makunu Jehova Nungungulu wa nwina i nyikile kuhumula ka vamakabye va nwina, khwatsi hi lezi a va byelileko: hikwalaho tlhelani makunu mu famba matendeni ya nwina, ni le tikweni ga tshomba ya nwina, leyi Mosi a nanza ga Jehova a mu nyikileko yona le tlhatuko wa Jordani. Mitse. 32:20; Deut. 3:18

Joxua 4:12

Ni vanana va ka Rubeni, ni vanana va ka Gadi, ni khihlanya ga nyangwa ya ka Manasa, va lo fambawu na va hlomile zinwe ni vanana va ka Israeli, khwatsi hi lezi Mosi a va leleteleko.

1 Samueli 13:7

Manwani maHeberu ma lo tlhatuka Jordani maya tikweni ga le Gadi ni le Gileade. Kanilezi Saule i wa hi le Gilgali, ni vontlhe vanhu lava va nga wa mu lanzela va wa rurumela.