Joxua 12:1 - Tshwa Bible

¹ Makunu leti hi tihosi leti a vanana va ka Israeli va nga ti khozisa, leti va tekileko matiko ya tona le tlhatukweni wa Jordani, hi le Mutsuwuka-gambo, kusukela ka xicongwana xa Amoni kala le xitsungeni xa Hermoni, ni libala lontlhe la le Mutsuwuka-gambo;

Joxua 12:1 Mawu Ofanana

1 Tihosi 4:19

Gebera nʼwana Uri i wa hi le tikweni ga le Gileade, le tikweni ga Sihoni a hosi ya maAmori, ni tiko ga Ogi a hosi ya le Baxani. Ku wa hi ni nduna yinwe ntsena ka lego tiko.

Tisimu 133:3

Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

Tisimu 136:21

A nyikela tiko gabye giva tshomba, Hakuva a wuxinji gakwe ga kala kupinzuka.

Tisimu 89:12

U lo yimisa Nwalungu ni Dzonga, Tabori na Hermoni va tsaka vitweni ga wena.

Isaya 16:2

Hakuva a vanhwana va le Moabi vata mapelweni ya le Amoni, Vaku khwatsi zinyanyani zi ha-ngalakako, Ni mavinyani ma humesilweko zisakeni.

Mitsengo 21:13

Va lo suka laho, va ya gova hi le tlhatuko wa Amoni, legi gi nga le xiwuleni, gi sukelako tikweni ga maAmori; hakuva a congo wa Amoni hi mbhingano xikari ka maMoabi ni maAmori. Vala. 11:18

Mitsengo 21:21

Zonake Israeli i lo ruma mitsumi a kuya ka Sihoni, a hosi ya maAmori, yi yaku ngalo:

Mitsengo 21:24

Kanilezi Israeli i lo va hihirita hi wutlha ga supado, va wutla a tiko gakwe kusukela Amoni kala le Jaboke, ku kala kuya ni ka vanana va ke Amoni; hakuva a mbhingano wa vanana va ka Amoni wu wa hi ni makhokhola. Deut. 29:7; Tis. 135:10; Am. 2:9

Mitsengo 32:19

hakuva hina hi nga ta avana navo a tshomba ya seno tlhatuko wa Jordani, ge hambu le mahlweni, hakuva a tshomba ya hina hi yaleyi seno Mutsuwuka-gambo wa Jordani.

Mitsengo 32:32

Hina hi ta tlhatuka na hi hlomile mahlweni ka Jehova, hiya tikweni ga le Kanani, kanilezi a xiavelo xa tshomba ya hina xi tava seno tlhatuko wa Jordani.

Mitsengo 32:33

Zinghaho Mosi i lo nyika ka vana va Gadi, ni ka vana va Rubeni, ni ka khihlanya ga nyangwa ya ka Manase a nʼwana wa Josefa, a tiko ga mufumo wa hosi Sihoni, a hosi ya maAmori, ni tiko ga mufumo wa Ogi a hosi ya le Baxani, ni miti ya kona, ni masimu wontihe ya miti ya kona, ma renzetekelako wontihe matlhelo. Deut. 3:12; Jox. 13:8

Deuteronome 2:24

Sukani mu famba, muya tlhatuka xicongwana xa Amoni. Languta, nzi nyikele canjeni ga wena Sihoni a muAmori, a hosi ya Hexboni, zinwe ni tiko gakwe. Fambani mu yalwa naye mu teka a tiko gakwe.

Deuteronome 2:32

Zonake Sihoni i lo ta tlhangana na hina na hi ni vanhu vakwe vontlhe a ku talwa le Jahaza.

Deuteronome 3:1

Hi lo tlhela hi kanziha hi tlhelo ga le Baxani. Zonake Ogi a hosi ya le Baxani ni vontlhe vanhu vakwe, va lo hi tlhangaveta le Edrei, va lava kulwa na hina. Mitse. 21:33; Deut. 29:7

Deuteronome 4:44

Lowu hi nayo lowu Mosi a nga wu yimisa ka vanana va ka Israeli:

Deuteronome 4:46

na va hi tlhatukweni wa Jordani le nzhelelweni ngomama ni Bet-Peori, le tikweni ga Sihoni a hosi ya maAmori, loyi a akileko le Hexboni, loyi Mosi ni vanana va ka Israeli va nga mu hlasela laha na va huma hi le Gipite.

Deuteronome 4:48

Kusukela le Aroera legi gi nga le mbhirini wa congo wa Amoni, kala le xitsungeni xa Sioni, xi nga Hermoni,

Joxua 1:15

kala Jehova a nyika vanakuloni a kuhumula kota nwina; va enghenawu a tikweni legi Jehova Nungungulu wa nwina a va nyikileko gona; zonake mu ta wuya tikweni ga nwina mu ta gi fumela, gona tiko legi Mosi, a nanza ga Jehova, a mu nyikileko gona seno tlhatuko wa Jordani, hi le Mutsuwuka-gambo.

Joxua 11:17

kusukela xitsungeni xa Halake, lexi xi yimileko hi tlhelo ga le Seire, kala le Baal-Gadi, hi nkoveni wa le Lebanoni, hi lahasi ka xitsunga xa Hermoni; i lo khoma tontlhe tihosi ta kona a ti daya.

Joxua 11:3

ni ka maKanani ya le Mutsuwuka-gambo ni le Muhlwa-gambo, ni ka vaAmori, ni ka vaHiti, ni ka vaPerezi, ni ka vajebusi le zitsungeni, ni ka vaHivi hi lahasi ka Hermoni le tikweni ga Mizpa.

Joxua 13:8

Va ka Rubeni ni va ka Gadi, va lo amukela a tshomba yabye leyi Mosi, a nanza ga Jehova, a nga va nyika le tlhatuko wa Jordani, hi le Mutsuwuka-gambo, Mitse. 32:33; Deut. 3:12

Joxua 22:4

Makunu Jehova Nungungulu wa nwina i nyikile kuhumula ka vamakabye va nwina, khwatsi hi lezi a va byelileko: hikwalaho tlhelani makunu mu famba matendeni ya nwina, ni le tikweni ga tshomba ya nwina, leyi Mosi a nanza ga Jehova a mu nyikileko yona le tlhatuko wa Jordani. Mitse. 32:20; Deut. 3:18

Valamuli 11:18

Zonake va lo famba lomu xiwuleni, va renzeleka a tiko ga Moabi, ni tiko ga Edome, vata hi tlhelo Mutsuwuka-gambo wa tiko ga Moabi, vaya gova hi le tlhatuko wa congo wa Amoni; a va tluiangi mbhingano wa Moabi, hakuva Amoni hi wona a mbhingano wa Moabi.