Joxua 11:16 - Tshwa Bible

¹⁶ Joxua i lo teka gontlhe tiko legi ga mitsurana, ni gontlhe tlhelo ga le Dzongeni, ni tiko ga le Goxeni, ni gontlhe tiko legi gi nga lomu minzhelelweni, ni lomu ka tibala, ni lomu ka zitsunga za ka Israeli, ni tiko legi gi nga le minzhelelweni ya kona,

Joxua 11:16 Mawu Ofanana

Tisimu 105:44

A va nyika misava ya vamatiko, Va teka titshomba ta vanhu.

Tisimu 78:55

I lo hlongola a vamatiko mahlweni kabye, A va avanyisela a tshomba yabye hi lipimo, A akisa a tixaka ta ka Israeli matendeni yabye.

Ezekieli 17:23

Nzi ta gi byala xitsungeni leʼxo tlakuka xa ka Israeli. Gi ta chela tiravi gi pswala mihanzu, give sedare yi nene. Lahasi ka maravi ya yona ku ta aka a tixaka tontlhe ta tinyanyani, ti tshama nzhutini wa maravi ya yona. Isa. 2:2; Mat. 13:31

Ezekieli 36:8

Kanilezi nwina zitsunga za ka Israeli, mu ta hluka maravi ya nwina, mu pswala mihanzu ka Israeli a tiko ga mina; hakuva vona va laha kusuhani ni ku wuya.

Deuteronome 1:7

Tlhelani mu famba, mu ya enghena le xitsungeni xa maAmori ni ka vontlhe lava va akileko lomo, mu famba le Araba, ni le xitsungeni ni le nkoveni, ni le Dzongeni, ni le mbhirini ka bimbi, le tikweni ga maKanani, ni le Lebanoni, kala congweni wa hombe, wona congo wa Eufrate.

Joxua 10:40

Lezo Joxua i lo hlasela a tiko gontlhe ga le zitsungeni ni Dzongeni, ni tikweni gontlhe ga minzhelelo, ni kureleleni ka zitsunga, ni tontlhe tihosi ta kona, a nga siyangi ni munwe wa ku huluka; kanilezi i lo lovisa zontlhe lezi zi hefemulako, khwatsi hi lezi Jehova Nungungulu wa ka Israeli a leleteleko.

Joxua 10:41

Joxua i lo hlasela kusukela le Kadexe-Bernea kala le Gaza, ni tiko gontlhe ga le Goxeni kala le Gibeoni.

Joxua 11:15

Kota lezi Jehova a leleteleko Mosi, a nanza gakwe, Mosi i lo leletela zalezo ka Joxua, zonake Joxua i lo maha zalezo; a nga siyangi ni nchumu xa lezi Jehova a leleteleko Mosi.

Joxua 11:2

ni ka tihosi ta le Nwalungu zitsungeni, ni le mikoveni hi Dzongeni ga Kinerota, ni le tikweni ga le tivaleni, ni le mitsurini ya Dore, hi le Mupela-gambo;

Joxua 11:21

Ka xona lexo xikhati, Joxua i lota a ta lovisa va ka Anake va le xitsungeni xa Hebroni, ni le Debira, ni le Anabe, ni le matikweni wontihe ya mitsurana ya ka Juda, ni le matikweni wontihe ya mitsurana ya ka Israeli; Joxua i lo va lovisa zinwe ni miti yabye.

Joxua 12:8

le zitsungeni, le tikweni ga mikova, ni le tibaleni, ni le minzhelelweni ya zitsunga, ni lomu ziwuleni, ni le Dzongeni; ku wa hi vaHiti, ni vaAmori, ni vaKanani, ni vaPerezi, ni vaHivi, ni vajebusi.

Joxua 9:1

Na ku mahisile lezo laha a tihosi tontlhe leti ti nga seno tlhatukweni wa Jordani lomu zitsungeni, ni lomu mikoveni, ni lomu fungwini wontihe wa bimbi ga hombe, gi cuwukeneko ni Lebanoni, vaHiti, ni vaAmori, ni vaKanani, ni vaPerezi, ni vaHivi, ni vajebusi, laha na va zwile timhaka leto,