Joxua 1:9 - Tshwa Bible

⁹ Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 1:9 Mawu Ofanana

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

2 Samueli 13:28

Absalome i lo leletela malanza yakwe, aku: Xiyisisani khwatsi, a xikhati lexi a mbilu ya Amnoni yi tangeleko hi vinya, ni loku nziku ka nwina: Dayani Amnoni! Dayani futsi. Mu nga mu chavi! Ma zizwa lezo ke? Tiyani, muva vavanuna va tinhenha!

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

2 Kronekele 15:7

Makunu nwina, ngha muva ni ntamu, mu nga tsiki a mandla ya nwina mava ni gome, hakuva mu tava ni nchachazelo ntirweni wa nwina.

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:5

U nga chavi, hakuva nzi zinwe na wena; Nzi ta neha a vanana va wena hi le Mutsuwuka-gambo, Nzi ku tsombanyisa u huma hi le Muhlwa-gambo.

Isaya 8:12

Mu nga wuli, muku: I gujeguje; a ka zontlhe lezi a vanhu lava va wulako ku i gujeguje; mu nga dzuki mu chava lezi va zi chavako.

Danieli 10:19

aku: U nga chavi, wena wanuna a ranzekako nguvu! A kurula akuve na wena, tiyisa mbilu, kunene, tiyisa mbilu! Laha a nga wulawula na mina nzi lo kuma ntamu, nziku: Wulawula hosi yanga, hakuva u nzi nyikile ntamu.

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Hagai 2:5

khwatsi hi xivumelwano xa mina lexi nzi nga maha na nwina laha mu nga huma hi le Gipite, ni Moya wa mina, wu tshamile xikari ka nwina: mu nga chavi!

Mitiro 4:19

Kanilezi Pedro na Johani, va lo va hlamula, vaku: Kutani zi sasekile mahlweni ka Nungungulu a ku ingisa nwina ku hunza ku ingisa Nungungulu, lamulani ha nwece; Xip. 5:29; Gal. 1:10

Deuteronome 1:21

Languta Jehova, Nungungulu wa wena, i ku nyikile tiko. Kanziha uya gi teka, kota lezi Jehova a wulileko, yena Nungungulu wa vararu va wena. U nga chavi hambu ni ku rurumela.

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Deuteronome 31:23

Jehova i lo wumbela Joxua nʼwana Nuni, aku: Tiya hlana, u nga mbheli ntamu, hakuva hi wena u ta nga chiketa a vanana va ka Israeli ka tiko legi nzi hlambanyileko ku va nyika gona; na mina nzi tava zinwe na wena.

Deuteronome 31:28

Tsombanyisani ka mina wontihe masingalakati ya tinyangwa ta nwina, ni tinduna ta nwina; nzi ta hlawutela leti timhaka lomu tindleveni tabye, nzi ta vitana matilo ni misava, a kuva vakustumunyu mahlweni kabye.

Joxua 1:10

Zonake Joxua i lo leletela a tinduna ta vanhu, aku:

Joxua 1:17

Kota lezi hi ingisileko Mosi ka zilo zontlhe, zinghaho hi ta ku ingisawu. Ntsena lezaku Jehova Nungungulu wa wena ave zinwe na wena, kota lezi a nga wa hi zinwe na Mosi.

Joxua 1:18

Kani hi wihi a ta nga ala ku maha zileletelo za wena, a nga ingisi timhaka ta wena leti u ta nga hi leletela ka zilo zontlhe, loye munhu i ta dawa. Ntsena lezaku wena u tiya hlana u nga mbheli ntamu.

Joxua 10:25

Na Joxua i te ngalo kabye: Mu nga chavi, hambu ni ku tsemeka hlana, tiyani muva ni wunhenha, hakuva Jehova i ta maha 20 kota lezi ka vontlhe valala va nwina lava mu lwako navo.

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 3:7

Jehova i te ngalo ka Joxua: Inyamutlha nzi ta sangula ku ku kulisa mahlweni ka vontlhe va ka Israeli, kasi va fela ku zi tiva lezaku nzi tava na wena khwatsi hi lezi nzi nga hi zinwe na Mosi.

Joxua 6:27

Na Jehova i wa hi zinwe na Joxua, ni wudumo gakwe gi lo hangalaka tikweni gontlhe.

Joxua 8:1

Makunu Jehova i te ngalo ka Joxua: U nga chavi, hambu ku mbhela ntamu! Famba ni vontlhe lava va hlomileko u yalwa ni Ai. Languta, mina nzi nyikele canjeni ga wena a hosi ya Ai zinwe ni vanhu va yona, ni muti wa yona ni tiko ga yona. Deut. 1:21; 7:17

Valamuli 6:14

Kanilezi Jehova i lo hunzuluka a mu cuwuka, aku: Famba hi ntamu lowu wa wena, u ya hlanguta vaIsraeli mandleni ya vaMidiani. Kasi a nzi ku rumangi ke? Maheb. 11:32

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.