Joxua 1:8 - Tshwa Bible

⁸ A bhuku legi ga nayo gi nga dzuki gi hi kule ni nomu wa wena, kanilezi u ta gi alakanya mumu ni wusiku, u ti karata ku maha zontlhe lezi zi tsalilweko ka gona, kasi wa fela ku humelela ba tontlhe tindlela ta wena, u tshameka.

Joxua 1:8 Mawu Ofanana

Genesisi 24:63

Isaka i lo huma laha gambyeni na aya le handle, kasi ku ya alakanyela; i lo tlakusa a mahlo yakwe, a wona makameli na ma kari mata.

2 Kronekele 26:5

I lo chivirika ku hlota Nungungulu masikwini ya Zakaria loyi a nga wa pimisisa miwoniso ya Nungungulu; a masiku wontihe lawa a nga wa hlota Jehova, Nungungulu! lo mu katekisa.

Tisimu 119:11

Nza fihla mhaka ya wena mbilwini yanga, Lezaku nzi nga ku onheli.

Tisimu 119:15

Nzi ta ehleketa zontlhe zileletelo za wena, Nzi khatalela a tindlela ta wena.

Tisimu 119:97

E, nzi wu ranzisa kuyini a nayo wa wena! Nzi wu alakanya gontlhe siku.

Tisimu 119:99

Nzi na ni kupimisisa ku hunza vagonzisi va mina vontlhe, Hakuva nzi ehleketa a zikhumbuxeto za wena.

Tisimu 19:14

A timhaka ta nomu wa mina, Ni maalakanyo ya mbilu ya mina, A zi amukeleko mahlweni ka wena, Jehova, a ribye ga mina ni mutiruli wa mina.

Tisimu 40:10

Mina a nzi fihlangi a kululama ka wena mbilwini yanga; Nzi tlhatlhambutele a kutsumbeka ka wena ni kuhanyisa ka wena. A nzi tumbetangi a wunene ga wena ni zinene za wena le hlengeletanweni wa hombe.

Mavingu 3:1

Nwananga, u nga rivali nayo wa mina, anilezi a mbilu ya wena a yi hlayise zileletelo za mina; Deut. 8:1; 30:16

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Mateu 12:35

A munhu nene wa humesa a zilo zi nene tshombeni yakwe ya yinene; ni munhu wa kubiha wa humesa zilo za kubiha tshombeni yakwe ya kubiha.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Mateu 7:21

A hi vona vontlhelele lava va nge ngalo ka mina: Hosi, Hosi, va ta nga enghena mufunweni wa tilo; kanilezi sine loyi a mahako a kuranza ka Dadani wa mina loyi a nga le tilweni. Miti. 19:13; Rom. 2:13; Jak. 1:22

Mateu 7:24

Hikwalaho kani hi mani loyi a zwako a timhaka leti ta mina, a ti maha, i ta fanana ni munhu a tlharihileko, loyi a nga aka yindlu yakwe laha ribyeni. Lu. 6:47

Luka 11:28

Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25

Johani 13:17

Loku mu tiva a timhaka leti, mu katekile loku mu ti maha. Jak. 1:25

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Va le Efesusi 4:29

A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.

Deuteronome 29:8

Hina hi lo wutla a tiko gabye, hi gi nyikela ka va ka Rubeni ni va ka Gadi, ni khihlanya ga nyangwa ya Manasa.

Deuteronome 29:9

Hikwalaho hlayisa a timhaka ta lexi xivumelwano, mu ti maha kasi ma fela ku vuvuma ka zontlhe lezi mu zi mahako. Jox. 1:7; 1 Tih. 2:3

Deuteronome 30:14

Kanilezi a gezu gi kona kusuhani nguvu na wena, lomu nonwini wa wena, ni lomu mbilwini ya wena, kasi wena wa fela ku gi hlayisa.

Deuteronome 31:11

laha vontlhe va ka Israeli va tako ku ta ti wonekelisa mahlweni ka Jehova Nungungulu wa wena, a ka wutshamu lego a ta nga gi hlawula, wena u ta gonza lowu nayo mahlweni ka vontlhe va ka Israeli, vazwa. Neh. 8:1

Deuteronome 31:24

Zonake Mosi loku a mbhetile ku tsala timhaka ta lowu nayo lomu bhukwini,

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Deuteronome 5:32

Chelani kota, mu maha kota lezi Jehova Nungungulu wa nwina a mu leleteleko; mu nga hambukeli xineneni, hambu xibhabheni,

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

Joxua 1:7

Ntsena tiyisa mbilu, uva ni ntamu, u chivirika ku lanzela milayo yontlhe leyi Mosi a nanza ga mina a ku leleteleko; u nga hambuki ka yona uya xineneni, hambu xibhabheni, kasi wa fela ku humelela ka zontlhe lezi u ta nga zi maha.

Joxua 8:34

Ni nzhako ka lezo i lo gonza tontlhe timhaka ta nayo, a zikatekiso ni makhombo, khwatsi hi lezi zi tsalilweko bhukwini ga nayo.

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12