Joxua 1:6 - Tshwa Bible

⁶ Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Joxua 1:6 Mawu Ofanana

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

2 Samueli 10:12

Tiya, hi maha vavanuna va tinhenha, hi lwela a vanhu va hina ni miti ya Nungungulu wa hina; na Jehova a mahe lezo zi wonekako na zi sasekile mahlweni ka yena!

1 Tihosi 2:2

Mina nza famba ndleleni ya yontlhe misava. Hikwalaho tiyisa a mbilu ya wena, uva ni ntamu, u kombisa lezaku u wanuna. Jox. 23:14

1 Kronekele 22:13

Zonake wena u ta vuvuma, loku u lonzowota ni ku hlayisa a milayo ni zileletelo za Jehova lezi a nga leletela va ka Israeli hi nomu wa Mosi. Tiya hlana, u ngave na hlenekera! U nga chavi, u mbhela ntamu! Deut. 31:7; Jox. 1:7

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

2 Kronekele 15:7

Makunu nwina, ngha muva ni ntamu, mu nga tsiki a mandla ya nwina mava ni gome, hakuva mu tava ni nchachazelo ntirweni wa nwina.

2 Kronekele 20:11

hi nga wona lezi va hi chachazelako ha zona! Va lava ku hi hlongola tshombeni leyi u hi nyikileko.

2 Kronekele 20:7

Nungungulu wa hina, a hi wena u panzanyileko a vaaki va tiko legi mahlweni ka vanhu va wena, a va ka Israeli, u gi nyikela kala kupinzuka ka pswalo wa Abrahama loyi a nga hi xaka ga wena hi masiku?

Tisimu 27:14

Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Danieli 10:19

aku: U nga chavi, wena wanuna a ranzekako nguvu! A kurula akuve na wena, tiyisa mbilu, kunene, tiyisa mbilu! Laha a nga wulawula na mina nzi lo kuma ntamu, nziku: Wulawula hosi yanga, hakuva u nzi nyikile ntamu.

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Zakaria 8:9

Jehova wa tiyimpi i ngalo: Tiyani hlana, nwina lava mu zwako a timhaka leti ti humako milonwini ya vaprofeti lava va nga kanela masikwini lawa ku nga sanguliwa ha wona a yindlu ya Jehova wa tiyimpi, lezaku ku akiwa a tempeli.

Mitsengo 26:53

Lava hi lava va ta nga avelwa a tiko, kasi gi maha a tshomba yabye: va ta avelwa kukotisa wunyingi ga mavito yabye.

Mitsengo 33:53

Mu ta teka a tiko mu aka ka gona, hakuva mina nzi mu nyikile a tiko lego a kuva tshomba ya nwina.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Deuteronome 1:21

Languta Jehova, Nungungulu wa wena, i ku nyikile tiko. Kanziha uya gi teka, kota lezi Jehova a wulileko, yena Nungungulu wa vararu va wena. U nga chavi hambu ni ku rurumela.

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 11:8

Hikwalaho mu ta hlayisa milayo yontlhe leyi nzi mu leletelako inyamutlha, kasi ma fela kuva ni ntamu, mu ta zi kota ku enghena mu teka a tiko legi mu tlhatukako ku ya gi fumela,

Deuteronome 31:23

Jehova i lo wumbela Joxua nʼwana Nuni, aku: Tiya hlana, u nga mbheli ntamu, hakuva hi wena u ta nga chiketa a vanana va ka Israeli ka tiko legi nzi hlambanyileko ku va nyika gona; na mina nzi tava zinwe na wena.

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

Joxua 1:18

Kani hi wihi a ta nga ala ku maha zileletelo za wena, a nga ingisi timhaka ta wena leti u ta nga hi leletela ka zilo zontlhe, loye munhu i ta dawa. Ntsena lezaku wena u tiya hlana u nga mbheli ntamu.

Joxua 1:7

Ntsena tiyisa mbilu, uva ni ntamu, u chivirika ku lanzela milayo yontlhe leyi Mosi a nanza ga mina a ku leleteleko; u nga hambuki ka yona uya xineneni, hambu xibhabheni, kasi wa fela ku humelela ka zontlhe lezi u ta nga zi maha.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 10:25

Na Joxua i te ngalo kabye: Mu nga chavi, hambu ni ku tsemeka hlana, tiyani muva ni wunhenha, hakuva Jehova i ta maha 20 kota lezi ka vontlhe valala va nwina lava mu lwako navo.

Joxua 13:6

ni vontlhe vaaki va le zitsungeni kusukela le Lebanoni, kala le Misrefot-Maime; ni vontlhe vaSidoni nzi ta va hlongola mahlweni ka vanana va ka Israeli. Avela lawo matiko hi ku hlahluva, gi tava tshomba ya Israeli khwatsi hi lezi nzi ku leleteleko.

Joxua 18:3

Zonake Joxua aku ka vanana va ka Israeli: Ku ta kala rini na ma ha rivateka a kuya teka a tiko legi Jehova Nungungulu wa vararu va nwina a mu nyikileko gona ke?

Joxua 21:43

Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.

Joxua 5:6

Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21

1 Samueli 4:9

Tiyani vaFilistia, muva vavanuna, kasi mu nga fumelwi hi vaHeberu khwatsi hi lezi nwinawu mu va fumelako. Hikwalaho tiyani muiwa.