Joxua 1:5 - Tshwa Bible

⁵ A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 1:5 Mawu Ofanana

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

1 Tihosi 1:37

Khwatsi hi lezi Jehova a nga wa hi zinwe ni hosi ya mina, zinghaho ave na Solomoni kotisa zalezo, a kulisa a xitshamu xa yena xa wukosi ku hunza xitshamu xa wukosi xa Davida a nwinyi wa mina!

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

1 Tihosi 6:13

Nzi tshama xikari ka vanana va ka Israeli, cima nzi nga ta tsika a vanhu va mina va ka Israeli. Ekso. 29:45; Levi 26:11

1 Tihosi 8:57

Ngha Jehova Nungungulu wa hina ave zinwe na hina, khwatsi hi lezi a nga wa hi zinwe ni vakoko va hina. Ngha yena a nga hi tsiki a hi rivala;

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Jeremia 1:8

U nga va chavi, hakuva nzi na wena a ku ku ponisa, ku wula Jehova. Deut. 31:6; Jox. 1:5

Danieli 11:16

Loyi a ta ngata ku talwa naye, i ta maha kota kuranza kakwe, a nga kona a to yima mahlweni kakwe. I ta yima lomu tikweni go saseka, i ta lovisa hi canja gakwe.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Va le Roma 8:37

Kanilezi ka zontlhe lezi zilo ha hlula ni ku hlula ha yena loyi a nga hi ranza. 1 Joh. 5:4

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Deuteronome 20:4

hakuva Jehova Nungungulu wa nwina i famba zinwe na nwina ku mu lwela ka valala va nwina ni ku mu nyika kuhlula.

Deuteronome 31:23

Jehova i lo wumbela Joxua nʼwana Nuni, aku: Tiya hlana, u nga mbheli ntamu, hakuva hi wena u ta nga chiketa a vanana va ka Israeli ka tiko legi nzi hlambanyileko ku va nyika gona; na mina nzi tava zinwe na wena.

Deuteronome 4:31

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.

Deuteronome 7:24

I ta nyikela tihosi tabye canjeni ga wena, zonake u ta fuvisa mavito yabye lahasi ka tilo. A ku na munhu loyi a ta nga tiya mahlweni ka wena, kala u va lovisa.

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Joxua 1:17

Kota lezi hi ingisileko Mosi ka zilo zontlhe, zinghaho hi ta ku ingisawu. Ntsena lezaku Jehova Nungungulu wa wena ave zinwe na wena, kota lezi a nga wa hi zinwe na Mosi.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 21:44

Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.

Joxua 3:7

Jehova i te ngalo ka Joxua: Inyamutlha nzi ta sangula ku ku kulisa mahlweni ka vontlhe va ka Israeli, kasi va fela ku zi tiva lezaku nzi tava na wena khwatsi hi lezi nzi nga hi zinwe na Mosi.

Joxua 6:27

Na Jehova i wa hi zinwe na Joxua, ni wudumo gakwe gi lo hangalaka tikweni gontlhe.

Valamuli 2:18

Loku Jehova a va vuxele valamuli, i wa tshama ni mulamuli munwe ni munwani a va hlanguta valaleni vabye masikwini ya mulamuli loye, hakuva Jehova i wa va zwela wusiwana zirilweni zabye, lezi va nga wa tshekulela hi vaxanisi vabye.

Valamuli 6:16

Jehova aku kakwe: Hizinene nzi tava na wena. U ta hlasela vaMidiani khwatsi i munhu munwe. Ekso. 3:12

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.