Jona 4:2 - Tshwa Bible

² I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Jona 4:2 Mawu Ofanana

1 Tihosi 19:4

kanilezi yena i lo famba a pfhuka wa siku gontlhe aya xiwuleni; i lo ya chikela a tshama lahasi ka sinyana, a kombela kufa, aku: Zi ringene! Jehova, teka muhefemulo wa mina, hakuva a nzi va hunzi kululama a vadadani va mina! Jona 4:3

Tisimu 103:8

Nungungulu i na ni wuxinji ni tipswalo, Wa nonoka ku zangara, i tele hi wunene. Ekso. 34:6; Joeli 2:13; Jona 4:2

Tisimu 145:8

Jehova i na ni tipswalo, i tele hi wuxinji, Wa nonoka ku zangara, i na ni wunene ga hombe. Ekso. 34:6; Joeli 2:13; Jona 4:2

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Tisimu 90:13

Wuya Jehova, u ta hlwela kala rini? Zwela wusiwana a malanza ya wena. Ekso. 32:12

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

Jeremia 18:8

kanilezi loku a tiko legi nzi wulawulileko ha gona, gi hunzuluka kubiheni ka gona, minawu nzi ta hunzuluka nzi tsika a khombo legi nzi nga xuvile a ku gi mahela. Ezek. 18:21; Jona 3:10

Jeremia 20:7

O Jehova, u nzi vumelisile, nzi vumele a ku kholwiswa; Wena u ni ntamu a ku nzi hunza, u nzi hlulile. Nzi mahile xihlekiso gontlhe siku, Vontlhe va nzi tseketsela.

Jeremia 26:13

Hikwalaho sasisani makunu a mahanyela ya nwina ni zimaho za nwina, mu ingisa a gezu ga Jehova a Nungungulu wa nwina, zonake Jehova i ta hunzuluka ka khombo legi a gi wulileko ha nwina.

Jeremia 42:10

Loku mu nonohisa mu tshama tikweni legi nzi ta mu akisa nzi nga mu wisi hasi; nzi ta mu byala nzi nga mu tsuwuli; hakuva nza xaniseka hi kubiha loku nzi mu maheleko kona.

Amosi 7:3

Jehova i lo zi tsika. Zi nga ta maheka, ku wula Jehova.

Amosi 7:6

Jehova i lo zi tsika. Ni lezi zi nga ta maheka, ku wula Hosi Jehova.

Jona 1:3

Kanilezi Jona i lo suka a tsutsuma aya Tarxixi, kule ni nghohe ya Jehova. I lo relela le Joppa, a ya kuma a taru gi nga lava kuya Tarxixi; i lo rihela a pfhumba gakwe, a enghena tarwini, kasi kuya zinwe navo le Tarxixi, a suka mahlweni ka Jehova.

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Luka 10:29

Kanilezi yena na a xuva ku ti lulamisa, aku ngalo: Himani wakelene na mina ke?

Deuteronome 4:31

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.