Jona 3:6 - Tshwa Bible

⁶ Laha a hosi ya Niniva yi ngazwa a mahungu lawo, yi lo suka xitshanwini xakwe xa wuhosi, a tlhatlha a nguwo yakwe ya wuhosi, a ambala tinguwo ta xirilo, a ya tshama lomu khumeni.

Jona 3:6 Mawu Ofanana

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

Joba 2:8

I lo lava xirengele ku ti tshuvela ha xona; i lo tshama lomu khumeni.

Joba 42:6

Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Isaya 15:3

Lomu maphangweni yabye va ambele tisakwa, va rila; Le hehla ka tiyindlu tabye ni lomu tihubyeni va hlomula ni ku tsikwila.

Jeremia 13:18

Byela hosi ni mamani wa hosi, uku: Ti koramiseni, mu tshama hasi, Hakuva a mubhodi wa wukosi ga nwina wu wile, Xi nga xona xidlodlo xa nwina xa wuhosi.

Jeremia 36:13

Zonake Mikaia i lo va byela a timhaka tontlhe a nga tizwa, laha Baruke a nga kari a gonza tindleveni ta vanhu.

Jeremia 36:24

A hosi ni malanza ya yona loku va zwile tontlhe leti timhaka, a va chavangi hambu a ku hanzula a tinguwo tabye. 2 Tih. 22:11

Jeremia 6:26

O nhwana wa vanhu va mina, Ti ambexe hi sakwa, u puluwunza khumeni; Bana nkosi kota loku ku rilelwa a nʼwana munwe yece, A hlomulo wa xiviti; Hakuva a muhahluli i ta hi tela hi xitshuketi.

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Mikosi 3:29

Ngha a koramisa nomu wakwe tshurini, Ku nga dzuka kuva koha kutsumba.

Ezekieli 26:16

Zonake a tihosana tontlhe ta bimbi ti ta chika hi le xitshanwini za tona za wuhosi. Ti veka tinguwo ta tona tlhelweni, Ti runzuwula a tinguwo ta tona ta mavalavala; Ti ta ambala kuchava, Ti tshama lahasi hi kururumela xikhati xontlhe, Ti rewukiswa hi wena.

Danieli 9:3

Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Mika 1:10

Mu nga dzuki mu zi kumbuka le Gate, ni ku rila mu nga rili. Le Bet-le-Afra nzi puluwunzile lomu tshurini. 2 Sam. 1:20

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Luka 10:13

I khombo ka wena Korazini! I khombo ka wena Betsaida! Hakuva loku yi wa mahilwe ka Tire ni Sidoni a mitiro ya ntamu leyi yi mahilweko ka nwina, ngha na va hunzulukile kale, va tshama ngubyeni ya tisakwa ni khuma,