Jona 2:9 - Tshwa Bible

⁹ Kanilezi nzi ta ku phahlela hi gezu ga kubonga, Nzi ta humesa lezi nzi zi fungileko. A kuhanyisa kuta hi ka Jehova. Tis. 50:14

Jona 2:9 Mawu Ofanana

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

2 Samueli 15:7

Makunu laha na ku hunzile mune wa malembe, Absalome i te ngalo ka hosi: Nzi kombela kuya le Hebroni nzi ya tatisa a xifungo xa mina lexi nzi xi mahileko mahlweni ka Jehova.

Joba 22:27

Zonake u ta maha mukombelo wa wena kakwe, a kuzwa, Na wena u ta tatisa zifungo za wena.

Tisimu 107:22

A va humese a miphahlo ya kubonga, Va tlhatlhambutela mitiro yakwe hi kutsaka.

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 3:8

A kuhanyisa kuta hi ka Jehova: A xikatekiso xa wena ngha xive hehla ka vanhu va wena. (Sela.) Isa. 43:11

Tisimu 50:14

Nyikela ka Nungungulu a miphahlo ya kubonga; U rihela zifungo za wena ka Loyi a Hunzeleleko Kutlakuka. Maheb. 13:15

Tisimu 50:23

Loyi a nyikako muphahlo wa kubonga, i dumisa mina, Ni loyi a lulametako a ndlela yakwe Nzi ta mu kombeta a kuhanyisa ka Nungungulu.

Tisimu 68:20

Ka hina Nungungulu hi Nungungulu loyi a hanyisako; Jehova a Hosi wa zi kota ku hanyisa kufeni. Kuv. 1:18

Tisimu 95:2

A hi yeni mahlweni kakwe zinwe ni kubonga, Hi mu tlhavela zizimba za kutsaka.

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Johani 4:22

Nwina mu khozela lexi mu nga xi tiviko; hina hi khozela lexi hi xi tivako; hakuva a kuhanyiswa ku huma hi ka VaJuda. 2 Tih. 17:29; Isa. 2:3; Lu. 24:47

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Deuteronome 23:18

U nga nehi lomu ndlwini ka Jehova Nungungulu wa wena a hakhelo ya xibhayi, hambu ni kurihwa ka mbyana, a ku rihela xifungo xa kuhlambanya; hakuva lezo zilo manyala ka Jehova Nungungulu wa wena.

Maheberu 13:15

Hikwalaho a hi maheleni Nungungulu ha Jesu a muphahlo wa kubonga lowu wu simamisako, lezo hiku ngalo, a mbhanzo wa milomu leyi yi dumisako vito gakwe. Levi 7:12; Hos. 14:2; Efe. 5:20

Kuvululelwa 7:10

va kanyuluka hi gezu ga hombe, vaku: A kuhanyisa ku lumba Nungungulu wa hina loyi a tshamileko xitshanwini xa wuhosi ni Yivana. Tis. 3:8; Isa. 43:11; Jer. 3:23

1 Samueli 12:21

Mu nga dzuki mu hambuka, mu lanzela a zilo zi nga nyawuliko, lezi zi nga vuniko nchumu, ni lezi zi nga ponisiko, hakuva zilo zi nga nyawuliko.