Jona 2:6 - Tshwa Bible

⁶ Nzi wa relele nziya tshakweni ga zitsunga, A misava yi wa nzi valele hi zikwinyaro za yona kala kupinzuka; Kanilezi wena Jehova Nungungulu wa mina, u lo humesa a wutomi ga mina hi lomu nkeleni.

Jona 2:6 Mawu Ofanana

Joba 33:24

Zonake Nungungulu wa mu hawukela, aku: Mu tlhatlheni, a nga weli rinzini; Mina nzi kumile a nzhiho.

Joba 33:28

Yena i tlhatlhisile muhefemulo wa mina, wu nga weli rinzini; Ni wutomi ga mina gi ta wona kuwonekela.

Tisimu 104:6

U yi fenengetile hi kueta ka bimbi khwatsi hi nguwo, A mati ma wa yima hehla ka zitsunga.

Tisimu 104:8

A zitsunga zi lo tlakuka, ni minkova yi relela, A matshanwini lawa u zi yimiseleko.

Tisimu 116:3

A magota ya kufa ma nzi tsonzele, Ni kubayisa ka Xeole ku nzi khomile, Nzi kumile kuxaniseka ni khombo. 2 Sam. 22:5

Tisimu 143:7

Jehova, hatlisa u nzi hlamula, A moya wa mina wa mbhela ntamu; U nga nzi fihleli nghohe ya wena, Kasi nzi nga fani ni lava va relelako nkeleni.

Tisimu 16:10

Hakuva u nga ta tsika a muhefemulo wa mina le Xeole; Ge hambu ku tsika a wakubasa wa wena a wona kubola. Miti. 2:27; 13:35

Tisimu 18:5

A magota ya Xeole ma wa nzi bohile, Nzi wa khomekile minzhiyweni ya kufa.

Tisimu 30:3

Jehova, u humesile a moya wa mina hi le Xeole, U nzi hlayisile nzi hanya, lezaku nzi nga releli xilahleni.

Tisimu 30:9

Wena u ta bhinzula yini hi nkhata wa mina, loku nzi relela nziya xilahleni ke? A tshuri wu ta ku dumisa ke, Wona wu ta tlhatlhambutela a zinene za wena ke?

Tisimu 55:23

Wena Nungungulu, u ta va cukumeta nkeleni wa kulobyiswa, Lava va nga zigevenga ni vakhohlisi va nga ta hanya khihlanya ga masiku yabye; Kanilezi mina nzi ku tsumbile.

Tisimu 65:6

Wena loyi u tiyisako a zitsunga hi ntamu wa wena; Na u ambele ntamu.

Tisimu 69:2

Nza rikha maropeni yo eta, laha nzi tsanzekako ku yima. Nzi wele matini yo eta, lawa ma nzi nyupetako.

Isaya 38:10

Aku: A hlikanhini wa masiku ya mina nzi enghena tinyangweni ta Xeole. Nzi wutlelwe a masiku ya mina ma seleko. Joba 7:6

Isaya 38:17

A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Ezekieli 26:20

Zonake nzi ta ku hoxa uya lahasi zinwe ni lava va relelako nkeleni, A ka vanhu va kaleloko; Nzi ta ku akisa lehasi ka misava, A marumbini ya kale, Zinwe ni lava va relelako nkeleni, Kasi u nga ha akiwi, Na nzi kari nzi maha zile za hombe a tikweni ga vahanyako.

Ezekieli 31:14

Ku maheka lezo kasi a tisinya ti nga kusuhani ni mati ti nga ti kukumukisa hi kuleha ka tona, ti nga tlakusi a tichoka ta tona marefini, ge hambu leti ti nwako mati ti kombisa a kuleha ka tona. Hakuva tontlhe ti nyikelwe kufeni, tiya lehasi ka misava, a xikari ka vana va vanhu, zinwe ni lava va relelako nkeleni.

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.