Jona 1:4 - Tshwa Bible

⁴ Kanilezi Jehova i lo vuxa a mheho ya hombe lomu bimbini, ku vuka a bhubhutsa ga hombe lomu bimbini, a taru gi ku khwatsi go lava ku panzeka.

Jona 1:4 Mawu Ofanana

Tisimu 135:6

Ni zihi lezi Jehova a zi ranzako wa zi maha, Le tilweni ni laha misaveni, Lomu bimbini ni matsanwini wontihe ya kueta.

Tisimu 135:7

Wa maha marefu ma tlakukela hehla hi le magunweni ya misava, A humesa zingwalangwanza, a nisa vula, Ni ku humesa mheho hi lomu mabakweni yakwe. Jer. 10:13; 51:16

Tisimu 148:8

A nzilo ni maralala, gapongo ni hunguva, Ni bhubhutsa leʼgi mahako kulaya kakwe;

Eksodusi 10:13

Mosi i lo tlakusa a nhonga yakwe hehla ka tiko ga Gipite, zonake Jehova i lo pupuxa a mheho ya Mutsuwuka-gambo lomu tikweni, yi pupuxa a siku gontlhe. Laha na gi cile, a mheho ya Mutsuwuka-gambo yi lo neha humbi.

Eksodusi 10:19

Zonake Jehova i lo pupuxa a mheho ya hombe ya Muhlwa-gambo, yiya susa a humbi yi yi hoxa le Bimbini go Pswhuka. A ku salangi ni humbi lomu tikweni ga Gipite.

Eksodusi 14:21

Zonake Mosi i lo nawuluta a canja gakwe hehla ka bimbi, Jehova a tlhelisa a bimbi hi mheho ya ntamu ya Mutsuwuka-gambo, yi nga wa pupuxa wusiku gontlhe a pswhisa bimbi, a mati ma avanyeka hi laha xikari. Jox. 4:23; Isa. 63:12

Eksodusi 15:10

U lo pupuxa hi moya wa wena: A bimbi gi lo va khubunyeta; Va lo rikha kota xiketse, Lomu nonzweni wa mati yo eta.

Jeremia 51:16

Loku a tlakusa gezu gakwe A mati ma dzuma le matilweni, A maha marefu mata hi le magunweni ya misava. I rumela zingwalangwanza zinwe ni vula, Ni ku humesa mheho hi lomu mabakweni yakwe.

Amosi 4:13

Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.

Mitsengo 11:31

Zonake Jehova i lo pupuxa a mheho, yi neha tihwari na ti humela tlhelo ga bimbi, ti wela matlhelo wontihe ya wugovelo, ku khwatsi i pfhuka wa siku ku renzelekela laha wugovelweni, ku wa ku khwatsi mikono mimbiri hehla ka misava. Ekso. 16:13; Tis. 78:26