Johani 5:3 - Tshwa Bible

³ A ka tona ku wa etlele a xidlemo xa hombe xa vababyi: a zikhumu, ni zilema, ni lava va khanyeneko ziro, na va lavelela a kuvindlukiswa ka mati.

Johani 5:3 Mawu Ofanana

1 Tihosi 13:4

Laha hosi Jeroboamu a nga wa zwile a gezu ga munhu wa Nungungulu na giba huwa mahlweni ka alati ga le Beteli, yena i lo nawuluta a canja gakwe na a hi laha alatini, aku: Mu khomeni! A canja gakwe legi a nga wa gi nawulutile gi su kokotsolo, a nga ha zi koti ku gi tlhelisa wutshanwini ga gona.

Mavingu 8:34

I katekile loyi a nzi zwako, oyi wontihe masiku a cuwukisako tinyangweni ta mina; oyi a rinzelako timhanzeni ta tivati ta mina.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Zakaria 11:17

Khombo a give ka murisi a nga nyawuliko, loyi a tsikako a ntlhambi! A supado yi taba a woko gakwe ni tihlo gakwe ga xinene: a woko gakwe gi ta woma, ni tihlo gakwe ga xinene gi tafa. Zak. 13:7; Joh. 10:12

Mateu 15:30

Ku lota kakwe a zidlemo za hombe, na zi neha a zilema, ni zikhumu, ni timbeveve, ni zikhurubu, ni vanwani vo tala; va lo va veka laha mikonzweni yakwe, a va hanyisa; Isa. 35:5, 6; Lu. 7:22

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Luka 7:22

I lo hlamula, aku ngalo kabye: Fambani, mu ya byela Johani lezi mu zi wonileko ni lezi mu zi zwileko: a zikhumu zi tlheliselwa kuwona, a zilema za famba, a vahlokonho va hlaziwa, ni ziwiri zazwa, a vafileko va vuxiwa, ni zisiwana zi kanelelwa a mahungu yo saseka. Isa. 35:5; Mat. 11:4; Xip. 4:18

Johani 5:2

Le Jerusalema xi kona a xitivana laha Nyangweni ya Tiyivu, xi vitwako hi xiHeberu ku ngalo Betesda, xi nga ni ntlhanu wa tigumbagumba. Neh. 3:1; 12:39

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Va le Roma 8:25

Kanilezi loku hi tsumba lezi hi nga zi woniko, zonake ha zi lavelela hi kuhonisela.

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14