Johani 3:3 - Tshwa Bible

³ Jesu i lo hlamula aku ngalo kakwe: Hakunene loku munhu a nga belekiwi luswa, a nga na ku wona mufumo wa Nungungulu. Xip. 1:13; Gal. 6:15; Tit. 3:5

Johani 3:3 Mawu Ofanana

Jeremia 5:21

Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Ezekieli 36:26

Nzi ta mu nyika a mbilu yiswa, nzi mu chela a moya muswa. Nzi ta susa ambilu ya ribye nyameni ya nwina, nzi mu nyika a mbilu ya nyama. Jer. 31:33; 32:39; Maheb. 10:16

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Mateu 19:24

Kambe nziku ka nwina: Za hehuka ka kameli ku enghena nonwini wa chingani, ku hunza munhu a fumileko ku enghena mufunweni wa Nungungulu.

Mateu 21:31

Hi wihi wa lava vambiri a nga maha kuranza ka raru wakwe ke? Vaku: Hi loyi wa kuranga. Jesu aku kabye: Hizinene nziku ka nwina: A vahlengisi ni zibhayi va mu rangela ku enghena mufunweni wa Nungungulu.

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Marku 10:14

Laha Jesu na zi wonile, i lo tsanwa, aku kabye: Vumeleni a vanana a kuta ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2

Marku 9:47

Loku a tihlo ga wena gi ku khunguvanyisa, gi xokole; zi ku sasekele a kuva u enghena mufunweni wa Nungungulu na u hi ni tihlo ginwe, ku hunza a kuva u hi ni mahlo mambiri, u hoxwa Gehena,

Johani 1:13

lava va nga pswaliwangiko hi nkhata, hambu hi kuranza ka nyama, hambu hi kuranza ka munhu, kanilezi va pswalilwe hi Nungungulu. 1 Ped. 1:23

Johani 1:5

A kuwonekela ku lo woninga munyameni, kanilezi a munyama a wu ku amukelangi.

Johani 1:51

A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

Johani 12:40

I phumisile mahlo yabye, a nonohisa timbilu tabye; Ku nga taku va wona hi mahlo yabye, va pima hi timbilu tabye; Va hunzuluka, nzi va hanyisa. Isa. 6:9, 10; Mat. 13:14

Johani 3:4

Nikodemusi aku ngalo kakwe: A munhu i ta belekiswa kuyini na hi wa kale ke? I ta tlhela a enghena ga wumbiri rumbyini ga nyine, a wuya a belekiwa ke?

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 5:17

Hikwalaho loku munhu a hi ka Kristu, ximahwa xiswa; a za kale zi hunzile, zi mahile ziswa. Isa. 43:19; Kuv. 21:5

Va le Galatia 6:15

Hakuva a wutshiva a hi nchumu, ni wukhuna a hi nchumu, a xa hombe hi kuva ximahwa xiswa. 2 Kor. 5:17

Va le Efesusi 2:1

Yena i lo mu vuxa, nwina lava mu nga wa file hi zihambuko ni zionho za nwina, Joh. 5:24

Deuteronome 29:4

Kanilezi kala lego siku Jehova a nga se mu nyika a mbilu ya ku pima ni mahlo ya ku wona, ni tindleve ta kuzwa. Isa. 6:10

Titusi 3:5

i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

1 Johani 2:29

Loku mu tiva lezaku yena i lulamile, zi tiveni lezaku ni wihi loyi a mahako lezi zi lulamileko i belekilwe hi yena. Miti. 22:14

1 Johani 3:9

Kani hi wihi a belekilweko hi Nungungulu a nga onhi, hakuva a mbewu ya Nungungulu yi tshamile ka yena; a nga zi koti ku onha, hakuva i belekilwe hi Nungungulu. 1 Ped. 1:23

1 Johani 5:1

Kani hi wihi loyi a kholwako lezaku Jesu hi Kristu i belekilwe hi Nungungulu; ni loyi a ranzako Dadani wa ranza ni loyi a belekilweko hi yena. Joh. 1:12, 13; 15:23; Xip. 2:22

1 Johani 5:18

Hina ha zi tiva lezaku kani hi wihi a belekilweko hi Nungungulu a nga onhi; kanilezi loyi a nga belekiwa hi Nungungulu wa ti hlayisa, ni loyi wa kubiha a nga na ku mu henya. Jak. 1:27; 1 Ped. 1:23

1 Johani 5:4

Hakuva kani hi xihi lexi xi belekilweko hi Nungungulu xa hlula tiko; a kuhlula loku ku hlulileko tiko hi kukholwa ka hina. Joh. 16:33

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5