Joeli 3:8 - Tshwa Bible

⁸ Nzi ta xavisa a vafana va nwina ni vanhanyana va nwina mandleni ya vana va Juda, vonawu va va xavisa mandleni ya va le Xeba, va nga va tiko ga le kule; hakuva Jehova i wulile lezo.

Joeli 3:8 Mawu Ofanana

Joba 1:15

makunu a va ka Xeba va lo hi putsuketa, va teka zifuyo, va daya varisi hi tisupado; ku lo pona mina nzoce nzi ku byelako.

Tisimu 72:10

A tihosi ta Tarxixi ni ta le zihlaleni ti ta neha nzhuvo, Ni tihosi ta le Xeba ni Seba ti ta humesa zinyikiwo. Isa. 60:5; Mat. 2:11

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Ezekieli 23:42

Ku lo zwala a guwa ga xidlemo xa vanhu va teku tinjha zinwe naye. Ku wa vitanilwe a vanhu va nyalidede va nga zidakwa za le xiwuleni. Va lo boha manayila mawokweni yabye ni zidlodlo zo saseka tihlokweni tabye.

Ezekieli 38:13

Xeba na Dedani ni vamahungani va le Tarxixi ni zinghagana zontlhe za kona zi ta wula ka wena, ziku: U tela ku ta hi tekela mufulo ke? U tsombanyisile a mitlawa ya wena a ku ta phanga ke? Mu tele a ku ta wutla a siliva ni nzalama, ni zifuyo ni nhunzu, mu tela ku ta swiyela tiko ke?

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Valamuli 2:14

A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1

Valamuli 4:2

Jehova i lo va nyikela mandleni ya Jabina a hosi ya le Kanani, loyi a nga wa fumile le Hazora, a nduna ya yimpi yakwe a nga wa hi Sisera, loyi a nga wa akile le Haroxete wa vamatiko. Jox. 11:10; 1 Sam. 12:9

Valamuli 4:9

Debora aku: Hakunene, nzi ta famba na wena: kanilezi u nga tava na wudzunzo pfhumbeni ga kona, hakuva Jehova i ta nyikela Sisera canjeni ga wasati. Debora i lo suka aya Kedexi na Barake.