Joeli 3:16 - Tshwa Bible

¹⁶ Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Joeli 3:16 Mawu Ofanana

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 29:11

Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.

Tisimu 61:3

Hakuva u wuchavelo ga mina, U khokhola gi tiyileko mahlweni ka nala. Mav. 18:10; Nah. 1:7

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Isaya 33:16

Hi yena a ta nga aka wutshanwini gi tlakukileko, A wuchavelo gakwe gi tava khokhola ga maribye, I ta nyikwa zakuga zakwe, ni mati yakwe ma nga tapswha.

Isaya 33:21

Hakuva Jehova i tava zinwe na hina lomo hi wukulu gakwe. A wutshanwini ga micongo yo anama ni zicongwana, Leyi yi nga engheniwiko hi tingalava ti fambiswako hi makasiya, Ge, hambu a mataru ya hombe a ma hunzi ha kona.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 17:17

U ngavi ka mina lexi xi chavisako; Wena loyi u nga wuponelo ga mina sikwini ga khombo.

Ezekieli 38:19

Hakuva hi mona wa mina ni kuhisa ka zanga ya mina nza tiyisa nziku: Hizinene, hi siku lego ku tava ni xitsekatseka xa hombe tikweni ga Israeli; Mat. 24:7; Lu. 21:11

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Amosi 1:2

Aku: Jehova i ta dzuma hi le Zioni, a zwata a gezu gakwe hi le Jerusalema; a wuriselo ga varisi gi ta rila, ni xixungwe xa Karmeli xi ta wuna. Jer. 25:30; Hos. 11:10; Joeli 3:18

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Hagai 2:6

Hakuva Jehova wa tiyimpi i ngalo: Ka hi xikhatanyana xitsongwani, nza ha ta tsekatsekisa kanwe a tiko ni misava, ni bimbi ni misava yi womileko. Isa. 14:16; Maheb. 12:26

Hagai 2:7

Nzi ta tsekatsekisa a matiko wontlhe, ni titshomba tontlhe ta matiko ti ta nehiwa lomu; mina nzi ta tata a yindlu leyi hi wukosi, ku wula Jehova wa tiyimpi.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Zakaria 9:12

Tlhelelani khokholeni, nwina tiperesu ti ftga ni kutsumba. Inyamutlha nza tiyisa lezaku nzi ta mu tlhelisela ha kumbiri.

Maheberu 12:26

loyi a gezu gakwe gi nga tsekatsekisa a misava a ka xikhati lexo; kanilezi makunu i tsumbisile, aku: Nza ha ta tsekatsekisa misava kanwe kambe, na ku nga hi yona yoce kanilezi ni tilo kambe. Ekso. 19:18; Hag. 2:6

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 16:18

Ku wa hi kona a kuhatima, ni kuvuma, ni kudzinza, ni kutsekatseka ka hombe ka misava, loku cima ku nga tsekatsekisangiko nguvu kota lezo a ku sukela lezi vanhu va nga vangiwa laha misaveni. Dan. 12:1; Xip. 11:13

1 Samueli 15:29

Loyi a nga Ntamu wa va ka Israeli a nga hembi hambu ku hunzuluka, hakuva yena a hi munhu waku i ta hunzuluka.