Joeli 2:26 - Tshwa Bible

²⁶ Mu taga mu xura, mu dumisa a vito ga Jehova a Nungungulu wa nwina, loyi a mu maheleko zihlamaliso. A tiko ga mina cima gi nga ta ha kuva ni tingana.

Joeli 2:26 Mawu Ofanana

Genesisi 33:11

Maha wuxinji u amukela xinyikiwo xa mina lexi xi nehilweko ka wena, hakuva Nungungulu i nzi mahele wuxinji, ni lezaku nzi na ni zo tala. Yena i lo mu khongotela kala a amukela.

Nehemia 9:25

Va lo teka a miti yi bhiyelweko, ni tiko go nona, va teka ni tiyindlu ti nga wa tele hi zilo zo saseka, a tihlowo ti kelilweko, zivina, mioliva, ni tisinya tinyingi ta mihanzu. Zinghaho va loga, va xura, va kulukelana, va ti tsakela hi wunene ga wena.

Tisimu 103:5

Loyi a xurisako a malembe ya wena hi malongo, Kasi ku vuxetwa a wuswa ga wena khwatsi hi ga gama. Joba 33:25; Isa. 40:31

Tisimu 116:7

Tlhelela kuhumuleni ka wena, muhefemulo wanga, Hakuva Nungungulu i ku katekisile.

Tisimu 13:6

Nzi ta yimbelela hi Jehova, Hakuva i nzi mahele makatekwa.

Tisimu 22:26

A va hlokisilweko va taga va xura, Lava va lavako Jehova va ta mu dumisa; A timbilu ta nwina a ti hanye kala kupinzuka. Isa. 65:13; Mat. 5:5

Tisimu 37:19

Va nga tava ni tingana xikhatini xa khombo, A masikwini ya ndlala va ta xura.

Tisimu 67:5

Ngha vanhu va bonga wena, Nungungulu; A matiko wontihe a ma bonge wena.

Tisimu 72:18

A khesiwe Jehova, a Nungungulu wa Israeli; Loyi a mahako zihlamaliso a hi yece.

Mavingu 13:25

Loyi a lulamileko waga a xura; anilezi a rumbu ga wa kubiha gi tava ni ndlala.

Xizimba xa ka Solomoni 5:1

Nzi enghenile sinwini ga mina, makweru wanga, makoti wa mina; Nzi wungeletele a mure wa mina ni mipepo ya mina; Nzi gile a zihahla za mina ni wulombe ga mina, Nzi nwile vinya ga mina ni masi. Ganani maxaka; nwanani, mu popiwa hi liranzo.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 29:22

Hikwalaho Jehova loyi a tlhatlhisileko Abrahama, i byela yindlu ya ka Jakobe, aku: Jakobe a nga ta ha wiswa tingana, ni nghohe yakwe cima yi nga ta ha tsanwa.

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Levi 25:19

A misava yi ta humesa a mihanzu ya yona, mu taga mu xura, mu aka ka yona hi kurula.

Levi 26:26

Nzi ta mu wutlela a zibaba za nwina; a khume ga vavasati va ta mu bhikela zibaba za nwina lomu ka mbita yinwe, va mu phamela zibaba za nwina hi ku mu pimela; mu taga kanilezi mu nga ta xura.

Levi 26:5

Lomu tikweni ga nwina, a xikhati xa ku hula xi ta chikela xikhatini xa ku kamela vinya; ni xikhati xa ku kamela vinya xi ta chikela xikhatini xa ku byala. Mu taga zakuga za nwina mu xura, mu tshameka khwatsi lomu tikweni ga nwina.

Mika 6:14

U taga, kanilezi u nga ta xura; yi ta ala yi zwala a ndlala nzeni ka wena. U ta rwala a tshomba, kanilezi yi nga ta pona; lezi u ta nga zi ponisa nzi ta zi nyikela supado.

Zefania 3:11

A siku lego u nga lawa tingana hi zimaho za wena zontlhe lezi u nzi goheleko ha zena; hakuva nzi ta susa xikari ka wena lava va giyako hi matshanza, zonake wena u nga ta ha ti kukumuxa xitsungeni xa mina xa kubasa.

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Va le Roma 10:11

Hakuva a mutsalo wu ngalo: Kani hi wihi a kholwako kakwe a nga tawa tingana. Isa. 28:16; Jer. 17:7

Va le Roma 5:5

A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

Deuteronome 11:15

Nzi ta milisa a byanyi ga zifuyo za wena lomu makhwatini ya wena, na wena u taga u xura.

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:18

Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Deuteronome 8:10

Na wena u taga u kala u xura, u bonga Jehova Nungungulu wa wena hi kota ya tiko legi go saseka a ku nyikileko gona.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

1 Johani 2:28

Makunu, vana vanga, tshamani ka yena; lezaku hi fela kuva ni kutiya hi siku legi a ta nga wonekeliswa ha gona, hi nga hi na tingana mahlweni ka yena a kuwuyeni kakwe.