Joeli 2:23 - Tshwa Bible

²³ Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Joeli 2:23 Mawu Ofanana

1 Tihosi 8:36

va ingise na u hi kwaseyo tilweni, u tsetselela zionho za malanza ya wena ni vanhu va wena, a va ka Israeli, u va gonzisa a ndlela yi nene leyi va faneleko ku famba ha yona, zonake u rumela vula misaveni leyi u nyikileko a vanhu va wena a kuva tshomba yabye.

Joba 33:23

Loku wu hi kona a ntsumi wu mu khongelelako, Wu hi wunwe xikari ka khume ga mazana, Wu mu kombisako a tifanelo takwe, Maheb. 1:14

Joba 37:13

Wa gi maha gita kota tsayiso hehla ka misava yakwe, Kutani ku neha zikatekiso zakwe ha gona.

Tisimu 104:34

Ngha a xalaliswa hi miehleketo ya mina, Mina nzi ta tsakela Jehova.

Tisimu 147:8

Loyi a fenengetako a tilo hi marefu, A nisako vula misaveni, Ni ku milisa byanyi lomu zitsungeni. Miti. 14:17

Tisimu 149:2

Israeli a tsakele mumahi wakwe, A vanana za Zioni a va tsakele a Hosi yabye.

Tisimu 28:7

Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

Tisimu 32:11

Tsakeleni Jehova, mu nengela nwina va kululama, Mu hlalela hi litsako nwina nwentlhe mu longamileko mbilwini. Fil. 4:4

Tisimu 84:6

Loku va kari va tsemakanya a nzhelelo wa Kurila, Va wu maha a wutshamu ga tihlowo; A vula ya kuranga yi wu fenengeta hi zikatekiso.

Mavingu 16:15

A kuwonekeleni ka nghohe ya hosi ku na ni wutomi; i wumbilu ga yona gi khwatsi i refu ga vula yo gumesa.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 30:23

Zonake a timbewu ta nwina leti mu nga ti byala i ta ti nisela vula, ni zibaba zi humeswako hi pfuno wa masimu zi ta nanziha zi xurisa; a xikhatini lexo a mitlhambi ya nwina yi ta gela mikoveni ya hombe. Levi 26:4; Deut. 11:14; 28:12

Isaya 41:16

U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Jeremia 5:24

A va wuli timbilwini tabye ku: A hi chaveni Jehova Nungungulu wa hina, loyi a nyikako vula yo ranga ni ya wuxika hi tinguva ta yona, a wihi a hi hlayiselako a maviki ya kutshovela ka hina. Deut. 11:14; Miti. 14:17

Mikosi 4:2

A vana va zikududu va le Zioni va fananako ni nzalama yi hlutilweko, Hikuyini va hlayiwako kota maguwana ya wumba, wu nga ntiro wa mandla ya muwumbi?

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Levi 26:4

zonake nzi ta mu nyika tivula hi zikhati za tona; ni misava yi ta humesa a pfuno wa yona, ni tisinya ta lomu masinwini ti ta pswala mihanzu ya tona.

Amosi 4:7

Nzi mu tsonile vula na ka ha sele tihweti tinharu a kuva mu tshovela; nzi yi nisa ka muti munwe, a ka wunwani yi ngani; a simu ginwe gi nelwa, legi gi nga kala ku nelwa gi woma.

Zakaria 10:1

Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

Zakaria 10:7

A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Zakaria 9:13

Hakuva nzi ta kondla Juda a ku khwatsi i wura, Efraime a hi ligalala la kona; nzi ta vuxa a vana va Wena Zioni, va Vukela a vana va maGreki, nzi ku maha u fanana ni supado ya nhenha.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Deuteronome 11:14

nzi ta nyika a vula ka tiko ga nwina hi tinguva ta kona, a vula ya tsangela nguva, ni vula yo gumesa; u ta hula a mbewu ya wena, ni vinya ga wena, ni mafura ya wena. Jer. 5:24; Joeli 2:23

Deuteronome 28:12

Jehova i ta ku vululela tilo, gi nga bako gakwe ga titshomba, ni ku nyika a misava ya wena a tivula hi zikhati za tona, ni ku katekisa yontlhe mitiro ya mandla ya wena. Wena u ta cenekisa matiko ya ku tala, kanilezi wena u nga ta ceneka nchumu ka wona.

Deuteronome 32:2

A gonzo ya mina yi ta dona khwatsi i vula, A gezu ga mina gi ta tsakamisa khwatsi i nzhokati; Khwatsi i vula hehla ka byanyi go nyuka, Khwatsi manamula-nghala hehla ka byanyi!

Va le Filipi 3:1

Vamakabye, hi kugumesa nzi ngalo: Tsakani Hosini! A nzi karali mina ku mu tsalela timhaka twaleti, hakuva za mu vuna.

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!