Joeli 2:17 - Tshwa Bible

¹⁷ A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Joeli 2:17 Mawu Ofanana

1 Tihosi 6:3

A kuleha ka ligumbagumba leli li nga mahlweni ka Tempeli ku wa hi 20 wa mikono, ku ringana ni ku anama ka yindlu, ni kuanama ka lona ku wa hi 10 wa mikono le mahlweni ka yindlu.

1 Tihosi 9:7

mina nzi ta susa va ka Israeli tikweni legi nzi va nyikileko gona, nzi hoxa kule na mina a yindlu leyi nzi yi basiseleko a vito ga mina; na Israeli i tava tsheketo ni xihlekiso xikari ka matiko wontihe. Deut. 28:37; Jer. 7:15; 24:9

2 Kronekele 7:20

nzi ta mu tsuwula lomu tikweni ga mina legi nzi nga wa mu nyikile gona, ni yindlu leyi nzi yi basisileko a kuva yi lumba a vito ga mina nzi ta yi hoxa kule, nzi yi maha yi chepetwa ni kuva xihlekiso ka vanhu vontlhe.

2 Kronekele 8:12

Zonake Solomoni lo maha a munyikelo wa kuhiswa laha alatini ga Jehova, legi a nga wa gi akile mahlweni ka nyangwa,

Nehemia 9:36

Languta, hina hi tikhumbi nyamutlha; hi tikhumbi lomu tikweni legi u nga nyika vadadani va hina a kuva vaga mihanzu ya gona, va tshameka khwatsi,

Tisimu 115:2

Hi yini a matiko ma wulako, maku: I kwihi makunu Nungungulu wabye ke?

Tisimu 42:10

Ku fanana ni kutshobyiwa ka marambu ya mina, Loku a valala va mina va nzi rukatela; Va simamisa va wula ka mina, vaku: I kwihi a Nungungulu wa wena ke?

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 42:3

A mihloti ya mina kuga ka mina mumu ni wusiku, Hakuva wontihe masiku va wula ka mina, vaku: I kwihi makunu a Nungungulu wa wena ke?

Tisimu 42:4

A muhefemulo wa mina wu rila laha na nzi alakanya Lezaku nzi wa fambisa kuyini ni zidlemo, Nzi zi rangela ndlwini ya Nungungulu Hi magezu ya litsako zinwe ni kudumisa; A xidlemo xi gongako a siku ga ximuse.

Tisimu 74:10

Nungungulu ku tava kala rini a nala na a ha rukatela? A nala i ta sola a vito ga wena kala kupinzuka ke?

Tisimu 79:10

Hikuyini a vamatiko va ta nga wula, vaku: I kwihi Nungungulu wabye? A zi tibyiwe ka vamatiko a kuwoneni ka hina, Lezaku u photelisa kuyini a nkhata wu halatilweko wa malanza ya wena. Ekso. 32:12; Deut. 32:43; Joeli 2:17

Tisimu 79:4

Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Tisimu 89:41

Vontlhe vahunzi va mu phanga, I mahile xiruko ka vaakelwane vakwe.

Tisimu 89:51

Jehova, alakanya a kutseketsela ka valala va wena, Lezaku va tseketselisa kuyini a mabatha ya mikonzo ya a totilweko wa wena.

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Ezekieli 8:16

I lo nzi yisa hubyeni ya lomu xikari ka yindlu ya ka Jehova. Languta, laha nyangweni ya tempeli ya Jehova, xikari ka nyangwa ni alati, ku wa hi ni Xipimo xa 25 wa vavanuna, na va fularele a tempeli ya Jehova, a tinghohe tabye na ti cuwukile Mutsuwuka-gambo, na va khozela a gambo hi tlhelo ga Mutsuwuka-gambo, 2 Tih. 23:5, 11

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Joeli 1:9

Minyikelo ya tinzhoho ni ya kunwa a ya ha hi kona ndlwini ya Jehova; a vapristi lava va nga zitiri za Jehova va rila.

Amosi 7:2

Laha na yi mhhetile a kuga a byanyi gontlhe ga tiko, nzite: Hosi Jehova, hi nga zwela wuxinji! Jakobe i ta yimisa kuyini, lezi a nga tsongwani?

Amosi 7:5

Zonake mina nziku: Hosi Jehova maha wuxinji u zi tsika. Jakobe i ta yimisa kuyini, lezi a nga tsongwani?

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Malaki 1:9

Makunu khongelani mahlweni ka Nungungulu, kasi a fela ku hi zwela wuxinji. Xana a ngava ni tipswalo ha nwina lezi mu mahileko a zakunghahi ke? ku wula Jehova wa tiyimpi.

Mitsengo 25:6

Zalezo ku lo ta huma a munhu wa vanana va ka Israeli na a neha wasati wa muMidiani ka vamakabye vakwe kuwoneni ka Mosi ni tlhangano wontihe wa vanana va ka Israeli, laha na tlhangano wontihe wu kari wu rila laha nyangweni ya tenda ga mutlhangano.

Mateu 23:35

Lezaku ku fela kuta hehla ka nwina a nkhata wontihe wu lulamileko lowu wu nga halatiwa misaveni, kusukela nkhateni wa Abeli a lulamileko, kala ka nkhata wa Zakaria nʼwana Barakia, loyi mu nga mu daya xikari ka tempeli ni alati. Gen. 4:8; 2 Kro. 24:20; Kuv. 18:24

Mateu 27:43

I tsumbile Nungungulu; a mu tlhatlhise makunu, loku a kari a mu ranza; hakuva i te ngalo: Nzi Nʼwana wa Nungungulu. Tis. 22:8

Deuteronome 28:37

Na wena u tava xihlamaliso ni xihlekiso, ni a xomololwako xikari ka vanhu vontlhe lavo Jehova a ta nga ku yisa ka vona. 1 Tih. 9:7; Jer. 25:9

Deuteronome 32:27

Loku ku wa nga hi lezo nzi chavako a kutikulisa ka valala vabye; Lezaku a valala va ta kala va nga nzi pimi, Vaku: A mandla yahina ma tlakusilwe, A hi Jehova a nga maha lezi zilo zontlhe. Mitse. 14:15; Ezek. 20:14

Joxua 7:9

Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13