Joeli 2:16 - Tshwa Bible

¹⁶ Tsombanyisani vanhu, mu maha a hlengeletano yo basa; tsombanyisani a zikhosana ni zivanana ni tisana ta ha anwako. Ngha muyeni a huma nhangeni yakwe ni makoti a huma tsawini gakwe.

Joeli 2:16 Mawu Ofanana

2 Kronekele 20:13

Vontlhe vaJuda va lo yima mahlweni ka Jehova zinwe ni vanana vabye, ni vasati vabye ni vana vabye.

2 Kronekele 29:5

Aku kabye: Nzi ingiseni nwina vaLevi! Ti basiseni makunu, mu basisa ni yindlu ya Jehova Nungungulu wa vararu va nwina, mu humesa a zilo za manyala lahandle ka wutshamu go basa!

2 Kronekele 30:17

Hakuva ku wa hi ni vanhu vo tala laha tlhanganweni lava va nga kala va nga ti basisangi; hikwalaho a va ka Levi va lo va tlhavela a miphahlelo ya Pasika na va basisela Jehova vontlhe lava va nga hlazekangiko.

2 Kronekele 30:19

Jehova wa wuxinji, a tsetselele vontlhe lava va tiyisileko timbilu tabye a ku hlota Nungungulu Jehova, a Nungungulu wa vadadani vabye, hambu loku a nga basiswangi hi ku faneleko lomu ndlwini ya ku basa.

2 Kronekele 35:6

Tlhavani Pasika, mu ti basisa, mu gi longisela vanakuloni, mu maha khwatsi hi mhaka ya Jehova leyi yi nyikilweko hi Mosi.

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Tisimu 19:5

Gona gi fanana ni muyeni a humako nhangeni yakwe, Gi tsaka khwatsi i nhenha yi tsutsumako kupalisaneni.

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Eksodusi 19:15

Mosi aku ka vanhu: Ti longiseleni siku ga wunharu; mu nga dzuki mu gamakana ni vavasati.

Eksodusi 19:22

Hambu a vapristi lava va tshinelako ka Jehova, vonawu va fela ku ti basisa kasi Jehova a nga va dayi,

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

Mateu 21:16

vaku ka yena: Wa zizwa lezi va zi wulako ke? Jesu aku kabye: Ina, cima a mu gonzangi a gezu legi gi nge ngalo: Hi milomu ya zihlangana ni tisana u ti longisele kudzunziwa? Tis. 8:2

Mateu 9:15

Jesu aku ngalo kabye: A vanghana va muteki va zi kota ku rila, a muteki na a ha hi navo ke? Kanilezi a masiku ma tata, laha muteki a ta nga suswa ka vona, hi kona va ta nga rila. Joh. 3:29; Miti. 13:2, 8; 1 Kor. 7:5

1 Va le Korinte 7:5

Mu nga tsonani, saseka loku mu vumelana hi xikhati xo kari, kasi mu fela ku ti nyikela kukhongeleni, mu tlhela mu tlhangana kambe, lezaku Satani a nga mu ringi hi kuhluleka ka nwina a ku ti khoma. 1 Tes. 3:5

Joxua 7:13

Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14

Joxua 8:35

Ku wa nga hi kona ni mhaka yinwe ka tontlhe timhaka leti ti leletelweko hi Mosi, yi nga kala ku gonziwa hi Joxua mahlweni ka tlhangano wontihe wa ka Israeli, ni mahlweni ka vavasati ni vanana ni valuveli lava va nga xikari kabye.

1 Samueli 16:5

Yena aku kabye: Nzita hi kurula; nzi tela ku ta phahlela ka Jehova. Ti basiseni mu ta famba na mina le muphahlweni. Zonake i lo basisa Jese ni vana vakwe, a va vitana vata muphahlweni. Ekso. 9:10