Joeli 2:1 - Tshwa Bible

¹ Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Joeli 2:1 Mawu Ofanana

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 87:1

A ziseketelo za Zioni zi lomu zitsungeni za kubasa.

Eksodusi 10:14

A humbi yi lo ta chikela yi tata tiko gontlhe ga Gipite, yi fenengeta misava yontlhe ya Gipite hi kutala ka yona. Cima ku wa nga seva kona a humbi yo kota leyo kale ka matiko, ni lezaku yi nga tava kona kambe a humbi yo kota leyo.

Isaya 13:6

Huwelelani, hakuva a siku ga Jehova gi tshinele, Gita kota lobyiselelo hi ka Nyamintamo.

Isaya 13:9

Langutani, a siku ga Jehova gata, Ga hlomulo wa khulo ni zanga yi chavekako; A ku ta hahlula a tiko, Ni ku lovisa vaonhi va nga ka gona.

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Jeremia 16:10

Loku u tivisile lava vanhu tontlhe leti timhaka, na vaku: Hikuyini Jehova a wulako hehla ka hina hi khombo legi ga hombe ke? hi kwihi kubiha ka hina, kutani kugoha loku hi onheleko ha kona Jehova a Nungungulu wa hina ke?

Jeremia 16:7

Kambe a nga kona a to phameliwa wuswa ga xirilo, kasi ku mu miyeta hi kota ya ku felwa; kambe a nga ta hiwa a gombe go mu chavelela hi kota ya raru wakwe kutani nyine wakwe.

Jeremia 4:5

Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Ezekieli 12:23

Hikwalaho va byele, uku: Hosi Jehova i ngalo: Nzi ta fuvisa a vingu legi, va nga ha ta gi tirisa lomu tikweni ga ka Israeli. Kanilezi va byele uku: A masiku ma tshinele, a ziprofeto zontlhe zi ta tatiseka.

Ezekieli 21:12

Nʼwana wa munhu, rila u kanyuluka, hakuva yi ta wela hehla ka vanhu va mina, ni hehla ka tontlhe tihosana ta ka Israeli; ti nyikelwe ka supado zinwe ni vanhu va mina; hikwalaho bana tshambukhulu wa wena. Jer. 31:19

Ezekieli 30:3

Hakuva a siku gi tshinele, gona a siku ga Hosi gi laha kusuhani, a siku ga madzuvi: xikhati xa vamatiko. Joeli 2:1; Zef. 1:14

Ezekieli 33:3

loku a xikhati a wonako supado na yita tikweni aba mpunzu, a tlharihisa vanhu:

Ezekieli 33:6

Kanilezi loku a murinzeli a wona a supado na yita, a ngabi a mpunzu, a vanhu va nga tharihiswi, kala a supado yi ta chikela yi susa ni wihi munhu xikari kabye, i delwe hi xigoho xakwe, kanilezi a nkhata wakwe wu ta labyiwa mandleni ya murinzeli.

Ezekieli 7:10

Languta a siku, languta gata. A khombo ga wena gata; a liravi li pfepfile, a matshanza ma balekile. Isa. 10:5

Ezekieli 7:12

A xikhati xi chikele, a siku ga tshinela. Loyi a xavako a nga tsaki, ni loyi a xavisako a nga tsanwi; hakuva a zanga yi hehla ka xidlemo xontlhe xa kona.

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Danieli 9:20

Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Hosea 8:1

Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13

Joeli 1:15

Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Joeli 2:15

Banani a mpunzu le Zioni, mu yimisa a siku ga kuyila, mu ramba a hlengeletano ya ximuse. Mitse. 10:2; Jona 3:5

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Joeli 3:14

Hi nga zwani a zidlemo zi tsombanako nkoveni wa kulamula! hakuva a siku ga Jehova gi tshinele le nkoveni wa kulamula.

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Amosi 5:18

I khombo ka nwina mu navelako a siku ga Jehova! Mu gi navelela yini a siku ga Jehova? Gi tava ga munyama, gi nga tava ga kuwonekela.

Amosi 8:2

Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

Obadia 1:15

Hakuva a siku ga Jehova gi tshinele ka wontlhe matiko. Lezi u zi mahileko zi ta mahiwa ka wena; a zimaho za wena zi ta wuyela hlokweni ya wena nwinyi.

Zefania 1:14

A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!

Zefania 1:16

I siku ga mpunzu ni nyandayeyo zi vukelako a miti yi bhiyelweko ni makhokhola ma tlakukileko.

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Zefania 3:11

A siku lego u nga lawa tingana hi zimaho za wena zontlhe lezi u nzi goheleko ha zena; hakuva nzi ta susa xikari ka wena lava va giyako hi matshanza, zonake wena u nga ta ha ti kukumuxa xitsungeni xa mina xa kubasa.

Zakaria 14:1

Languta, gata a siku ga Jehova, legi ku ta nga avanyiswa ha gona a muphango wa wena xikari ka wena.

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mitsengo 10:2

Ti mahele mipunzu mimbiri ya siliva; u yi maha hi siliva yi fulilweko. U ta vitana ha yona a hlengeletano, ni ku andlamukisa wugovelo.

Mitsengo 10:3

Ku taku loku yi biwa, a hlengeletano wontihe wu tsombana ka wena le nyangweni ya tenda ga mutlhangano.

1 Va le Korinte 14:8

Loku a mpunzu wu hi ni pfumawulo lowu wu nga tibyiwiko, himani a ta nga hloma a kuya yimpini ke?

Va le Filipi 2:12

Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.

1 Va le Tesalonika 5:2

Hakuva nwina ma zi tiva khwatsi lezaku a siku ga Hosi gita kota khamba ni wusiku. Kuv. 3:3

Jakobe 5:8

Ngha nwinawu mu timisela, mu tiyisa timbilu ta nwina; hakuva a kuwuya ka Hosi ku tshinele. Fil. 4:5; 1 Ped. 4:7

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

Kuvululelwa 6:17

Hakuva a siku ga hombe ga khulo gabye gi chikele, himani a zi kotako ku yima ke? Tis. 76:7; Zef. 1:14