Joeli 1:7 - Tshwa Bible

⁷ Wu onhile a xivina xa mina, wu kwamula mahati ya mikuwu ya mina, wu tlhatlha matluka ya yona, wu yi hangalasa lahasi; a maravi ya yona ma tshama ma basile.

Joeli 1:7 Mawu Ofanana

Tisimu 105:33

Aba zivina zabye ni mikuwu yabye, A tshoveletela tisinya ta tiko gabye.

Eksodusi 10:14

A humbi yi lo ta chikela yi tata tiko gontlhe ga Gipite, yi fenengeta misava yontlhe ya Gipite hi kutala ka yona. Cima ku wa nga seva kona a humbi yo kota leyo kale ka matiko, ni lezaku yi nga tava kona kambe a humbi yo kota leyo.

Eksodusi 10:15

Yi lo fenengeta misava yontlhe, a tiko gi pfhupeliswa; a humbi yiga zontlhe lezi zi milako lomu tikweni, ni mihanzu yontlhe ya tisinya leti ti nga ponile a vula ya maralala; a ku salangi ne ni tluka lomu tikweni, ni ka lezi zi milako masinwini ya tiko gontlhe ga Gipite.

Isaya 24:7

A vinya giswa ga rila, a xivina xi hloka; Ni lava va nga tsaka va konya.

Isaya 32:12

Va ta tiba zifuva hi kota ya ma simu lawa yo saseka, Ni xivina lexi xi pswalileko nguvu.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Jeremia 8:13

Nzi ta va lovisa bhi, ku wula Jehova. A ku na mauva sinyeni ya vina, Hambu a makuwu nkuweni, Na wona matluka ma womile. Lezi nzi va nyikileko zi ta pswonyoka kabye. Isa. 5:5; Lu. 13:6

Hosea 2:12

Nzi ta hahlula a zivina zakwe, ni mikuwu yakwe leyi a nga wula ha yona, aku: Leyi i hakhelo nzi nyikilweko hi zigangu za mina. Nzi ta zi hunzula zi maha khwati, zi giwa hi zivanza za khwati. Deut. 23:17; Isa. 5:5

Joeli 1:12

A mavina ma wunile ni mikuwu yi chomile, a sinya ya pomegranada, ni cinzu, ni sinya ya mamasa, ina ni tontlhe tisinya ta khwati ti womile: a kutsaka kontlhe ku mbhelile xikari ka vanhu.

Amosi 4:9

Nzi bile a mavele ya nwina hi mheho ya xikobani ni tindlati, a masimu ya nwina yo tala, ni zivina za nwina ni mikuwu ya nwina ni mioliva ya nwina zi gilwe hi bhanzala; hambu zi hi tano, a mu hunzulukangi ka mina, ku wula Jehova.

Habakuka 3:17

Hambu lezo a kuwu wu to kala wu nga ha hluki, Ge hambu a mivina a ku pswala mihanzu, Ni mihanzu ya maoliva yi nga humi, Ni masimu ma nga humesi zakuga; Hambu loku tiyivu ti vumaleka rangeni, Ni tihomu ti hi hava marangeni,

Malaki 3:11

Nzi ta mu hawukela a humbi, kasi yi nga mu dayeli a mihanzu ya misava ya nwina; ni mivina ya nwina yi nga ta tlhatlheka hi mahlweni ka xikhati lomu masinwini, ku wula Jehova wa tiyimpi.