Joeli 1:3 - Tshwa Bible

³ Zi hlawuteleni ka vanana va nwina, a vanana va nwina va zi hlawutela ka vabyewo, a vanana vabyewo ka xinwani xizukulwana.

Joeli 1:3 Mawu Ofanana

Tisimu 145:4

A xizukulwana xi ta hlawutela mitiro ya wena ka xinwani, Xi ta khesa a mitiro ya wena ya hombe. Deut. 4:10

Tisimu 44:1

Nungungulu, hi zi zwile hi tindleve ta hina, A vadadani va hina va hi byelile Hi mitiro leyi u yi tirileko masikwini yabye, A masikwini ya kale ka matiko. Deut. 6:20

Tisimu 71:18

Nungungulu, u nga nzi tsiki laha na nzi khosahele, nziva ni wuvu; Kala nzi eletela hi woko ga wena a ka xizukulwana xi tako, Ni ntamu wa wena ka vontlhe lava va ha tako. Isa. 46:4

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Isaya 38:19

A vahanyako, ina, a vahanyako va ta ku dumisa, Khwatsi hi lezi nzi mahako nyamutlha; A vadadani va ta kanela ka vanana vabye a kutsumbeka ka wena.

Deuteronome 6:7

U ta yi gonzisa ka vanana va wena, u wulawula ha yona lomu ndlwini ka wena, ni lomu kuenzeni ka wena, ni kuetleleni ka wena, ni kuvukeni ka wena.