Jeremia 9:12 - Tshwa Bible

¹² Himani a tlharihileko lezaku a pima lezi ke? Himani loyi a nomu wa Jehova wu wulawulileko kakwe, kasi a hi tivisa lezaku tiko gi onhisilwe hikuyini? Kala gi hisilwe ku fanana ni xiwula, ku nga ha hunzi ni munhu?

Jeremia 9:12 Mawu Ofanana

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Isaya 42:23

Himani xikari ka nwina a ta nga zizwa A xiyisisa a mhaka leyi xikhatini xi tako, a yi ingisa?

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Jeremia 23:16

Jehova wa tiyimpi i ngalo: Mu nga ingisi a timhaka ta vaprofeti lava va profetako ka nwina, hakuva va mu kanganyisa; va kanela a miwoniso ya timbilu tabye wutsumbu, na zi nga humi nonwini wa Jehova. Ezek. 13:2; Mat. 7:15

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Jeremia 23:28

A muprofeti loyi a nga ni noro, a wu hlawute; kanilezi loyi a nga ni mhaka ya mina, ngha a kanela yona hi kutsumbeka. Hikuyini mu patsako a mungu ni mavele ke? ku wula Jehova.

Jeremia 9:20

Nwina vavasati, ma nga zwani a mhaka ya Jehova, Ngha a tindleve ta nwina ti amukela a gezu ga nomu wakwe. Gonzisani a xirilo ka vana va nwina va xisati, Munwe ni munwani a gonzisa munghana wakwe a lisimu la xirilo.

Ezekieli 14:23

Va ta mu tangalisa loku mu wona a mahanyela yabye ni zimaho zabye; mu ta zi tiva lezaku zontlhe lezi nzi nga zi maha a nzi lo halahala nzi zi maha, ku wula Hosi Jehova.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Hosea 4:10

Vataga, kanilezi va nga ta xura; va ta bhaya kanilezi va nga ta enzeleka, hakuva va tsikile ku ingisa Jehova. Levi 26:26; Hag. 1:8

Joeli 1:11

A varimi va tsemeka hlana, ni vahlayisi va zivina vaba huwa, hi kota ya mavele ni sevada, hakuva a tshovelo wa masimu wu wonhekile.

Zefania 3:6

Nzi hihiritile matiko, a makhokhola ya wona ma khungumulwe; nzi mahile a tindlela ta wona lezaku ti nga ha tsemakanyiwi hi munhu. A miti ya wona yi iovile, laha kaku a ka ha hi na munhu, ni muaki munwe a nga ha hi kona.

Mateu 24:15

Hikwalaho, loku mu wona a manyalataniso ya mbhangalakasa, lawa ma nga kanetwa hi muprofeti Danyeli, na ma yimile wutshanwini go basa (loyi a gonzako lezi ngha a pima), Dan. 9:27; Mar. 13:14; Lu. 21:20

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.

Kuvululelwa 1:3

I katekile loyi a gonzako a xiprofeto lexi, ni lava va zwako a timhaka ta xona, va hlayisa lezi zi tsalilweko kona; hakuva a xikhati xi laha kusuhani. Jak. 5:8; Lu. 11:28; Rom. 13:11