Jeremia 8:7 - Tshwa Bible

⁷ Hambu a gotomeni wa le mpfhukeni wa tiva tinguva takwe, A tuva ni nyawukolwe ni mbewulwani za tiva a xikhati xa ku tlhela ha xona; Kanilezi a vanhu va mina a va tivi a milayo ya Jehova.

Jeremia 8:7 Mawu Ofanana

Xizimba xa ka Solomoni 2:12

A zitsangi za hluka misaveni, A xikhati xa ku tena mivina xi chikele, Ni gezu ga tuva ga zwala lomu tikweni ga hina.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Habakuka 1:4

Hakuva a nawo a wa ha hi na ntamu, a ka ha lamuliwi hi nongameto; hakuva a vakubiha va ranzela a valulamileko, hikwalaho a kulamula ku byeketwa.

Zakaria 5:9

Nzi lo tlakusa a mahlo ya mina, nzi wona na ku huma a vavasati vambiri, a mheho na yi tatisa tipapa tabye, hakuva va wa hi ni tipapa to fanana ni ta sekwa. Va lo tlakusa a efa xikari ka tilo ni misava.