Jeremia 8:2 - Tshwa Bible

² ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Jeremia 8:2 Mawu Ofanana

2 Tihosi 17:16

Va lo tsika yontlhe milayo ya Jehova Nungungulu wabye, va wumba zifananiso za marole mambiri, va ti mahela a zifananiso za Axtarte, va khizama mahlweni ka wontihe mabandla ya tilo, va khozela Baali.

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

2 Tihosi 21:5

I lo aketela a maalati ya mabandla ya tilo matshanwini mambiri ya yindlu ya Jehova.

2 Tihosi 23:5

I lo susa a vapristi va zifananiso lava va nga wa yimisilwe hi tihosi ta ka Juda a kuva vahisi va tibani lomu matshanwini ma tlakukileko, ni lomu mitini ya va ka Juda, ni le handle ka Jerusalema, ni lava va nga wa phahlela ka Baali ni ka gambo, ni ka hweti, ni ka zimilwa, ni ka handla gontlhe ga tilo, va zi hisela tibani.

Tisimu 53:5

Va wa hi ni kuchava ka hombe lomo, Laha ku nga kala ku nga hi na nchumu wo chavisa; Hakuva Nungungulu i hangalasile a marambu ya lava va ku ranzelako; U va wisile tingana hakuva Nungungulu i va tsikile.

Tisimu 83:10

Lava va nga lobyiswa le Endor, Va mahile koho wa misava.

Tisimu 83:11

Maha tihosana tabye tiku khwatsi hi Orebi na Zeebi, Ni tihosana tabye tontlhe tiku khwatsi hi Zeba na Zalmunna. Vala. 7:25; 8:12, 21

Mutshawuteli 6:3

Loku munhu a pswala zana ga vanana, a hanya malembe yo tala, loku a muhefemulo wakwe a nga xuri hi litsako, a nga kumi ni munhu wa ku mu lahla; nzi tiyisa lezaku loyi a belekiwako na xikhati xakwe xi nga se ku chikela, i katekile ku hunza yena.

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 16:11

Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Jeremia 19:13

A tiyindlu ta Jerusalema, ni tiyindlu ta tihosi ta ka Juda, ti tava ni chaka kota a wutshamu ga Tofete, ti nga tiyindlu tontlhe leti ku hisilweko langweni ya tona a libani ka butho gontlhe ga tilo, laho va nyikeleko a minyikelo ya zakunwa ka vanwani vanungungulu.

Jeremia 22:19

I ta lahliwa ku fanana ni mbongola, I ta ruruvisiwa, a ya hoxiwa handle ka tinyangwa ta Jerusalema.

Jeremia 25:33

Lava va delweko hi Jehova va ta mbambamela misaveni kusukela mbhirini kala ka yinwani mbhiri ya misava; va nga ta rilelwa, hambu ku hlengeletiwa, hambu ku lahliwa, va te maha koho misaveni.

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.

Jeremia 36:30

Hikwalaho Jehova i ngalo xungetano ha Jehoiakimu, hosi ya ka Juda: A nga tava na nʼwana wo tshama xitshanwini xa wuhosi xa Davida; a xirumbi xakwe xi ta hoxiwa handle a munwini wa hlikanhi ni xiramini xa wusiku.

Jeremia 9:20

Nwina vavasati, ma nga zwani a mhaka ya Jehova, Ngha a tindleve ta nwina ti amukela a gezu ga nomu wakwe. Gonzisani a xirilo ka vana va nwina va xisati, Munwe ni munwani a gonzisa munghana wakwe a lisimu la xirilo.

Jeremia 9:21

Hakuva a kufa ku nomile ku enghena ka tinjhanela ta hina, Ku enghenile tindlwini ta hina ta wuhosi; Ka daya vanana maruweni ni majaha laha maphangweni.

Jeremia 9:22

Wula: Jehova i ngalo: A zirumbi za vanhu zi tawa kota koho lomu masinwini, Ni ku kotisa milumbi ya mutshoveli, A nga kona wa ku rolela.

Ezekieli 29:5

Nzi ta ku hoxa xiwuleni, wena ni zidluwani za micongo ya wena, u ta wela lomu mafuzini; u nga ta tsomhanyiswa hambu ku rolelwa. Nzi ta ku nyikela akuva u giwa hi zihari za misava ni tinyanyani ta tilo.

Ezekieli 39:5

U ta wela livaleni, hakuva nzi wulile lezo, ku wula Hosi Jehova.

Ezekieli 6:5

Nzi ta veka a zirumbi za vana va ka Israeli mahlweni ka zifananiso zabye, nzi hangalasa a marambu ya nwina laha maganzelweni ya nwina.

Ezekieli 8:16

I lo nzi yisa hubyeni ya lomu xikari ka yindlu ya ka Jehova. Languta, laha nyangweni ya tempeli ya Jehova, xikari ka nyangwa ni alati, ku wa hi ni Xipimo xa 25 wa vavanuna, na va fularele a tempeli ya Jehova, a tinghohe tabye na ti cuwukile Mutsuwuka-gambo, na va khozela a gambo hi tlhelo ga Mutsuwuka-gambo, 2 Tih. 23:5, 11

Zefania 1:17

Nzi ta neha a hlokiselelo xikari ka vanhu, kasi va fela ku famba khwatsi zikhumu, hakuva va onhele Jehova. A nkhata wabye wu ta hangalaswa khwatsi i tshuri, hi mimiri yabye kukotisa a koho.

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Mitiro 7:42

Kanilezi Nungungulu i lo va fularela, a va tsikeleta ku khozela a handla ga tilo; kota lezi ku tsalilweko bhukwini ga vaprofeti, ku ngalo: Yindlu ya Israeli, xana mu nzi humesele a zihari zi tlhabyilweko ni miphahlelo A 40 wa malembe le xiwuleni ke? Ezek. 20:39; Deut. 17:3; Am. 5:25

Deuteronome 17:3

a khozela vanwani vanungungulu, a khizama mahlweni ka vona, kutani mahlweni ka gambo ni ka hweti, kutani hi ka handla gontlhe ga tilo, lezi mina nzi nga leletelangiko,

Deuteronome 4:19

Ni loku u tlakusa a mahlo ya wena le tilweni u wona gambo ni hweti, ni tinyeleti, ni wontihe mabandla ya le tilweni, u nga dzuki u navela ku khizama mahlweni ka zona u zi khozela; hakuva Jehova Nungungulu wa wena i nyikile lezi zilo ka wontihe matiko ma nga lahasi ka tilo, lezaku zi tava tshomba ya wona. 2 Tih. 21:5; Jer. 8:2