Jeremia 8:14 - Tshwa Bible

¹⁴ Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Jeremia 8:14 Mawu Ofanana

2 Samueli 20:6

Davida i te ngalo ka Abixai: Makunu Xeba nʼwana Bikiri i ta hi xanisa ku hunza Absalome! Hikwalaho teka malanza ya hosi ya wena mu mu hlongola, a nga kala a kuma a miti ya makhokhola a pona a mahlweni ka hina.

Tisimu 39:2

Nzi wa hi mbeveve, nzi miyela, Nzi su tiwitiwi bhi kuxanisekeni ka mina, Ni hlomulo wa mina wu lo enzeleka.

Tisimu 69:21

Va lo nziha a nyongwa akuva zakuga za mina, Ni ku tima tora ga mina va nzi nwisa vinagre. Mat. 27:34, 48; Lu. 23:36; Joh. 19:29

Isaya 47:5

Tshama hasi u miyela, U enghena munyameni, nhwana wa maKaldea! Hakuva u nga ta ha vitanwa aku, U Muzinza wa matiko.

Jeremia 14:20

Hina ha tiva a kubiha ka hina, O Jehova, Ni zigoho za vararu va hina; Hakuva hina hi ku onhele.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 23:15

Hikwalaho zakunghahi a wulako Jehova xungetano hi vaprofeti: Nzi ta va gisa manonwe ni ku va gisa wutsulu; Hakuva a kungabasi ku thapela tiko gontlhe Na ku huma hi ka vaprofeti va le Jerusalema.

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Jeremia 35:11

Kanilezi, kute loku Nebukadrezzare hosi ya Babuloni a hlasela tiko legi, hite: Tanani, hiya Jerusalema, hi suka mahlweni ka tiyimpi ta maKaldea ni ta maSiria; hikwalaho hi lo ta aka Jerusalema.

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Jeremia 9:15

hikwalaho, ku wula Jehova wa tiyimpi, a Nungungulu wa Israeli, aku: Nzi ta va gisa manonwe ni ku va nwisa wutsulu.

Mikosi 3:19

Alakanya a hlokiselelo ya mina hi kupepetseka ka mina, A manonwe ni nyongwa.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Amosi 6:10

Laha a rarutsongwani wa munhu a tako ku ta teka xirumbi lezaku xi hiswa, loku a humesa marambu lomu ndlwini i taku ka loyi a nga lomu xikari ka yindlu: Ka ha hi ni munwani wa wena ke? Yena i taku: Ahihi! Zonake yena i taku: Miyela! Hakuva a hi faneli ku kumbuka a vito ga Jehova.

Habakuka 2:20

Kanilezi Jehova i lomu tempeleni yakwe yi basileko, a misava yontlhe ngha yi rutisa mahlweni kakwe! Zef. 1:7; Zak. 2:13

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Mateu 27:34

va lo mu nyika vinya a kunwa na gi xanganyelwe ni nyongwa; kanilezi laha na a gi ringile, a nga vumelangi kunwa. Tis. 69:21

Deuteronome 29:18

Ku nga dzuki kuva kona xikari ka nwina a wanuna, kutani wasati, kutani i ngango, kutani lixaka leli a mbilu ya lona yi hambukileko legi siku ga Jehova Nungungulu wa hina, aya khozela vanungungulu va matiko lawo; ku nga taku kuva kona xikari ka nwina a mutsu lowu wu humesako nyongwa ni manonwe. Miti. 8:23; Maheb. 12:15

Deuteronome 32:32

Hakuva a xivina xabye xi huma sinyeni ya Sodoma, Ni le masinwini ya Gomora; A mauva yabye mauva ya nyongwa, Zitata za wona za bava. Ezek. 16:49